Salcedoteca

2011-12-20T11:04:00.002+01:00

F E L I Z N A D A L

Así quedou este ano a nosa árbore de Nadal, grazas á colaboración de todas as familias que forman a nosa comunidade educativa.

"Felices Festas!! e que este espíritu de colaboración e axuda entre todos os que formamos o CEIP San Martiño siga sendo a nosa seña de identidade no próximo 2012, aunando así esforzos para levar adiante o noso proxecto de educación."

2011-12-20T11:03:00.000+01:00

GAÑADORES DUN DIPLOMA!!!

O alumnado do CEIP San Martiño, usuarios do Comedor escolar, realizaron este ano unha postal de nadal en tridimensional que gañou o Diploma á mellor postal.

Dende aquí a nosa noraboa e felicitaciós a todos os nosos alumnos e alumnas participantes. Sentímonos moi orgullosos do seu premio!!!

2011-12-19T19:23:00.001+01:00

GAÑADORES NO CONCURSO PLANTANDO UN ARCO DA VELLA

Varios dos nosos alumnos de educación Infantil e Primaria participaron este ano no Concurso organizado pola Fundación Meniños en colaboración co Concello de Pontevedra.

Resultou gañador dun Diploma na modalidade de narración o noso alumno de 5º de Ed. Primaria, Anxo Gómez Martín.

Nos congratulamos con él e felicitámolo dende Salcedoteca.

Parabéns tamén para todos os demais participantes que realizaron debuxos de grande calidade e que foron seleccionados para participar na Exposición que se organizará para este Nadal no Teatro Principal de Pontevedra. Animamos a tod@s a visitala!!!

2011-11-30T14:31:00.000+01:00

AS AVES DA CIDADE: CHALA PROXECCIÓN CON FEDERICO DE LA PEÑA

O xoves día 24, tivemos na nosa biblioteca a presentación do documental Veciñas do Aire: un estudio das aves silvestres na cidade de Pontevedra feito por Federico de la Peña e patrocinado polo Concello de Pontevedra. Estamos moi contentos de que nos elixira o nós para iniciar a presentación nos colexios.

A narradora do documental é a cidade de Pontevedra e di cousas moi interesantes. Segundo un estudio feito polos ingleses cantas máis aves silvestres habiten unha cidade maior é a calidade de vida desa cidade. En Pontevedra hai unhas 134 o que é un número moi alto.

Federico investigou en cinco sitios diferentes da cidade. Empezamos vendo as aves da Illa do Cobo ou das Esculturas que máis que un museo é un dormitorio de aves: pegas, cisnes parrulos e outras son felices alí.

A xunqueira de Alba é un ecosistema vital para moitas; patos salvaxes, garzas e galiñas de río moi presumidas elas movendo a cabeza cara diante e atrás.

A ría de Pontevedra alimenta a moitas coma o corvo mariño real que non ten graxa nas plumas e ten que poñerse ao sol a secar.

O río dos Gafos é o fogar da gaivota chorona ou o tordo común que engaiola coa excelencia do seu canto.

No casco urbano contaron máis dun cento de gaivotas e outras máis: rulas turcas, pardais, papo roibos, merlos, xílgaros. Curuxas e ave laionas nos arredores do cemiterio. Remata dicindo que non estamos solos na nosa cidade que sempre estamos vixiados por algunha ave e que hai que querelas e sentirse orgullosos delas.

Cando rematou o vídeo lle fixemos preguntas e respondeu a todas.

P.- Cal é a túa ave favorita?

R. -Todas teñen a súa beleza, unha das que máis me gusta é o tordo, que xa era a favorita de meu pai, gústame polo seu marabilloso canto e pola habilidade que ten para romper as cascas dos caracois contra as pedras.

P- Como conseguiches facer o documental sen que se escaparan ?

R- A veces camuflándome en casetas e, con moita paciencia; para poder gravar os xílgaros na rúa de San Antoniño tiven que estar subido a unha grúa varios días metido nun cesto e pasando moita calor. Tamén teño que agradecerlle a moitos veciños que me permitiron gravar dende os seus balcóns e ata subir aos tellados das súas casas.

P- Cal foi o documental máis difícil que fixeches?

R- Foi este Veciñas do Aire que me levou dous anos completos sen poder ter vacacións nin fins de semana libres.

P- Se che gustan tanto as aves non te estrañou que as gaivotas comeran os pitiños dos niños próximos?

R- Sorprendeume moitísimo comprobar que as gaivotas son aves caníbales e deume moita pena .

P- Que che gusta máis de ser naturista?

R- Observar aos animais, ser un espía da natureza, facer documentais e despois vir aos colexios para que vós os coñezades e saibades respectalos.

Para o remate da charla tíñanos unha sorpresa amosounos unha rata actriz que xa ten actuado en anuncios como o do Ratibrón e nalgunhas outras películas, e como inda non tiña nome a bautizamos co nome de Martiño.

E inda antes de marchar tivo a paciencia de asinarnos autógrafos.

Pasámolo moi ben e aprendemos moito.

2011-11-21T09:54:00.004+01:00

EXPOSICIÓN DE PINTURA

“PESQUEIRA. 1911-1987. De Terra e de xentes”

O xoves, 17 de novembro, @s alumn@s de 3º e 4º de Primaria fomos á Sala de Exposicións de “Nova Galicia Banco” para “aprender a mirar” os cadros de Manuel Pesqueira Salgado.

Adicáronlle esta exposición este ano, porque o 7 de decembro de 2011 celébrase o centenario do seu nacemento en Lantañón (Paradela-Meis).

Nesta visita didáctica aprendemos moitas cousas interesantes sobre a vida e os cadros de M. Pesqueira, grazas ás explicacións da guía, que era moi simpática.

Vimos cadros de distintas épocas. Todos tiñan en común que estaban pintados coa man esquerda. Na Guerra Civil deixáronlle o brazo dereito inútil e tivo que facer un gran esforzo para poder pintar coa man esquerda.

Chamounos a atención que de neno xa pintaba con pinceis e pinturas fabricados por el mesmo, porque os seus pais non tiñan cartos para mercarlle estes materiais.

A guía explicounos que o seu pai mandouno a Pontevedra para que estudase Maxisterio e aquí coñece a Castelao e a outros artistas.

M. Pesqueira pinta ao óleo. A súa pintura caracterízase polas pincelas curtas e grosas. As figuras que aparecen nos seus cadros parecen esculturas.

Os seus cadros contan historias dos traballos no campo e de como era a vida na aldea. Estes cadros parecéronnos tristes, porque as cores eran grises, como “A palicuerda”. Tamén vimos outros máis alegres, pintados con cores máis vivas, como o titulado “A familia”.

A guía tamén nos explicou como M. Pesqueira representaba o movemento nas figuras dos seus cadros. Parecía que algunhas tiñan dúas cabezas.

Ao final da visita, cada un de nós coloreamos unha vaca ao noso gusto.

Esta visita foi unha boa maneira de recordar o traballo espectacular de Manuel Pesqueira, “o pintor zurdo de Meis”, no centenario do seu nacemento.

Alumn@s de 4º

2011-11-19T21:38:00.000+01:00

MAGOSTO, 2011

O tempo este ano fíxose de rogar e estabamos todos bastante preocupados polo noso Magosto, porque o sol non quixo regalarnos un bo día ata este pasado xoves, no que por fin puidemos celebralo.

As castañas queixáronse tamén do tempo e algunhas incluso houbo que retiralas da festa por estar abaroladas, pero non houbo problema ningún porque o centro mercou o día anterior castañas suficientes para que ao final ata sobrasen.

Coma sempre, organizáronse os xogos tradicionais, nos que os alumnos e alumnas de 6º tiveron a oportunidade de participar como monitores, experiencia moi grata e ao mesmo tempo formativa para eles. Este ano os xogos que se presentaron foron os seguintes: o tiracorda, a carreira de culler con castaña, o arrinca cebolas, os zancos, o xogo do pano, a carreira con laranxas (que ao final foron pelotas de tenis...), o tiro á rá e, por último, a grande novidade deste ano, o carozo no bote, xogo colaborativo e de coordinción que chamou a atención de todos.

Deixamos aquí esta pequena reportaxe para que o poidamos recordar:

Concerto "B vocal"

2011-11-04T12:38:00.002+01:00

O día 25 de novembro varios cursos do CEIP. SAN MARTIÑO fomos ao Pazo da Cultura para ver e escoitar ao grupo B. Vocal. Foi a primeira saída que fixemos este curso e que nos gustou moito. Xa sabiamos que este grupo actuara por todo España e que estivera na T.V.E. no programa “El Conciertazo”.

Contaron a historia da música a través da voz. Facían música sen instrumentos; so coa voz facían o son da batería, a guitarra eléctrica ou o contrabaixo.Cantaban segundo a súa voz, no escenario estaban de esquerda a dereita voces aguda, voces medias e voces graves. Facían moitas falcatruadas para nos divertir.

Comezaron polo home prehistórico que descubría o son e o ritmo case por casualidade. Logo dixeron que os gregos utilizaban a música, pero non sabemos con certeza como era porque non se conservan escritos.

Na Idade Media apareceu un canto eclesiástico chamado Gregoriano, en honor o papa Gregorio I . Tamén explicaron que no Renacemento as cancións máis populares eran os madrigais. Por estas datas aparece a polifonía que é cando cantan varias voces xuntas, e fixeron a interpretación de “In the merry month of may”.

Despois no Barroco os homes “castrati” eran os que facían as voces de muller. Algúns dos grandes compositores desta época foron Mozart ou Haendel. Nesta época apareceu a ópera e a música de cámara.

No Romanticismo do século XIX compóñense as obras máis belas da historia da música.

A continuación explicaron algúns estilos populares do outro lado do Atlántico: Jazz, o Blues o Raptime...

Máis preto de nós no século XIX, apareceu a música popular actual : o Rock and Roll e o grupo máis famoso os Beatles, xuntos cantamos Yesterday.

E por último a Música disco, o Heavy Metal e o Rap, dos anos 80.

Ao final o grupo despedíronse cantando “Antes de ver el sol “ con nós que a sabiamos todos.

!!!Cantamos, bailamos e pasámolo estupendamente.!!!

Alumnado de 6º

2011-10-29T21:58:00.000+02:00

CÓNTAME UN CONTO DE MEDO

Para celebrar o Día das Bibliotecas, que foi o pasado 24 de outubro e enlazando coa celebración do Samaín, organizamos varias sesións de contacontos que os maiores de 4º, 5º e 6º de Primaria prepararon para os seus compañeioros máis pequenos e que ocuparon a nosa Hora da Lectura o mércores e xoves desta semana.

Felicitamos a todos os nenos e nenas que fixeron de contadores e contadoras pola súa excelente interpretación.

2011-10-29T21:41:00.000+02:00

CONTO DE MEDO: O TÍO LOBO

Para celebrar o Samaín organizamos a escenificación dun conto de medo que se titulou O TIO LOBO e que foi representado por varios profesores e profesoras do centro.

Fíxose o relato na Hora de Ler en dúas sesións e resultou moi divertido. O público aplaudiu un montón e ademais aprendemos que non de pode ser como Carmela a protagonsita da historia, que por ser larpeira e mentireira veu o lobo e comeuna...

Aquí quedan estas imaxes para recordar.

2011-10-29T20:51:00.000+02:00

EXPOSICIÓN DE CABAZAS NO SAMAÍN, 2011

Webquest: "12+1"

2011-10-27T19:52:00.004+02:00

- Tedes algún amuleto que vos dea boa sorte?
- Evitades pasar por debaixo das escaleiras?
- Credes que o numero 13 dá mala sorte?

- Pedides un desexo antes de soprar as velas dunha tarta de aniversario?

Se respondestes que si a algunha destas preguntas é que sodes algo supersticiosos. Pero, non vos sintades apenados se credes nalgún destes ou outros mitos ou supersticións. Desde que o ser humano existe, sempre tivo a tendencia a crer en fenomenos sobrenaturais, mitos populares ou sucesos inexplicables.

En calquera caso, sexamos ou non supersticiosos, os alumnos e alumnas do 3º ciclo de primaria imos a realizar unha investigación sobre as supersticións, a partir da WebQuest titulada "12 + 1", co obxectivo de axudarnos a superar este tipo de crenzas que non teñen ningunha base científica.

Se queredes coñecer o noso traballo clicade na imaxe da esquerda ou nesta ligazón.

2011-10-27T11:13:00.000+02:00

MAGOSTO NO CEIP SAN MARTIÑO

O pasado sábado 22 de outubro a ANPA celebrou un Magosto no centro no cal non faltou de nada: houbo xogos populares, organizados pola empresa ANIAS e as castañas foron asadas por un castañeiro traído a Salcedo para que a protagonista da festa estivese no mellor punto.

Todo resultou ben e a festa foi un éxito. Deixamos aquí esta reportaxe para o recordo.

Día das Bibliotecas 24/10/2011

2011-10-25T19:45:00.025+02:00

A NOSA BIBLIOTECA XA TEN MASCOTA!!

No CALENDARIO DO LIBRO E A LECTURA hai uns “días festivos” que non debemos esquecer, un deles é o 24 de outubro, “DÍA DA BIBLIOTECA”.

Para celebrar esta data tan importante decidimos facerlle un agasallo “moi especial” á nosa Biblioteca Escolar: deseñar entre tod@s a súa MASCOTA e amosarlle cuns LEMAS o gran valor que ten para nós!!

Puxémonos tod@s mans á obra e convocamos dous concursos:

1. “Concurso de DEBUXO para deseñar a mascota da Biblioteca”.
Rematado o prazo de entrega dos traballos, seleccionáronse 3 mascotas de cada nivel de Infantil e Educación Primaria (foi MOI DIFÍCIL facer este traballo, porque tod@s eran moi bos!!). Entre eles está o deseño da mascota gañadora!! Cal será a nosa mascota??

2. “Concurso de LEMAS sobre a Biblioteca”.

Despois de moito ler, tivemos que seleccionar os oito lemas de todo o colexio que mellor expresaban o amor polos libros, a lectura e a Biblioteca.

Cada mes deste curso poderemos ler un deles na porta de entrada á nosa Biblioteca.

Xa temos un lema para cada mes!!

Noraboa a tod@s (gañador@s, finalistas e participantes)

Grazas por participar!!

Para ver a relación de ALUMN@S FINALISTAS E PREMIADOS nos dous concursos, pincha neste enlace ou na imaxe de arriba.

Azur e Asmar

2011-10-20T10:28:00.008+02:00

COMEZAMOS O 1º PROXECTO DE INVESTIGACIÓN DA BIBLIOTECA ESCOLAR

O primeiro proxecto de investigación do 1º trimestre deste curso escolar titúlase: 12 + 1, MEIGAS FORA!!, coincidindo coa temática do “XIII Salón do Libro Infantil e Xuvenil” de Pontevedra.

Para achegarnos ao tema das SUPERSTICIÓNS e das CRENZAS POPULARES, @s nen@s de 2º e 3º Ciclo de Educación Primaria desfrutaron da película de animación de Michel Ocelot, “AZUR E ASMAR” (2007), director de “Kirikú y la bruja” e “Kirikú y las bestias salvajes”. Na mesma aparecen reflectidas algunhas supersticións que aínda seguen presentes hoxe en día.

“AZUR E ASMAR” é ante todo unha fábula sobre a TOLERANCIA. É unha historia de RESPECTO A OUTRAS CULTURAS que comeza así ...

“Azur e Asmar son dous nenos que foron criados en Francia coma se fosen irmáns, pero son moi diferentes. Azur é fillo dun nobre rico. É louro e ten os ollos azuis. Asmar é fillo da ama de cría da familia. É pobre, o seu pelo e os seus ollos son negros. Os nenos medran xuntos, pelexándose e amándose coma se fosen irmáns, pero a vida sepáraos bruscamente...”

Na Biblioteca temos un LIBRO FERMOSÍSIMO titulado “En tiempos de Azur y Asmar”, recomendado especialmente para nen@s de 5º e 6º de Primaria. Coa súa lectura poderán descubrir que a época na que se desenvolve “Azur e Asmar” foi un periodo brillante da Idade Media. Durante este tempo a civilización islámica, os musulmáns, xudeos e cristiáns convivían en tolerancia nunha sociedade próspera, chea de esplendor e onde intercambiaban ideas, textos e coñecementos.

Despois de ver “AZUR E ASMAR”, podes realizar esta actividade LIM para comprobar se realmente gozastes desta fermosísima película. Tedes que pinchar neste enlace ou na imaxe da ventá da dereita para poder comezar a actividade.

2011-06-23T00:06:00.005+02:00

FESTIVAL FIN DE CURSO 2010/11

Co agradable sabor da Festa fin de curso, deixamos aquí un vídeo resumo e unha galería de imaxes. FELIZ VERÁN!!!

2011-06-21T22:18:00.003+02:00

UNHA FESTA MOLLADA DAS MELLORES!!!

Hoxe pola tarde a ANPA do CEIP San Martiño organizou unha festa de auga para dar remate a este curso, no que estiveron invitados todos os alumnos do colexio.

Resultou todo un éxito e ademais de ser un momento de alegría e de festa para todos, serviu tamén para a convivencia entre as familias do centro. Deixamos aquí este recordo gráfico...

2011-06-19T11:10:00.001+02:00

EXCURSIÓN FIN DE CURSO

2011-06-01T20:36:00.005+02:00

A insoportable levedade das bibliotecas escolares galegas

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

2011-05-29T13:30:00.005+02:00

ROTEIRO DOS BOLECHAS

Por segunda vez participa o CEIP San Martiño no Roteiro dos Bolechas con alumnos do 1º ciclo. Tiveron deste modo a oportunidade de visitar e coñecer o casco antigo e as rúas máis importantes do centro de Pontevedra.

2011-05-29T10:33:00.003+02:00

SEMANA DOS OBRADOIROS

Como colofón á "Semana dos Obradoiros" sobre os inventos, pareceunos interesante que todos puiderades comprobar como os alumnos e alumnas de 5º e 6º de Primaria levaron a cabo a presentación dos seus traballos. Por iso, e a modo de exemplo, a continuación mostrámosvos un vídeo resumo dos talleres realizados sobre o avión e a pila.

2011-05-28T20:53:00.003+02:00

SEMANA DOS OBRADOIROS: VENRES, 27

Remata este ano a Semana dos Obradoiros, dedicada esta vez aos inventos e en, xeral, ao mundo da ciencia coa participación do grupo CREARTE que presentou dous obradoiros:

MADAN CURIE, que abordou a vida e aportacións á ciencia desta científica eminente, de maneira escenificada ao alumnado de 3º ciclo:

LEONARDO DA VINCI, o xenio do Renacemento foi presentado aos alumnos e alumnas de Educación Infantil, que tiveron logo unha parte práctica na que confeccionaron un pequeno artiluxio a modo de paracaídas:

2011-05-26T21:23:00.010+02:00

SEMANA DOS OBRADOIROS: XOVES 26

No cuarto día da Semana dos Obradoiros foron dous os grupos de 6º de Primaria os que presentaron os seus traballos. O primeiro grupo expuxo un estudo sobre a pila eléctrica (definición, tipos, historia, inventor...) e realizou un taller de elaboración dunha pila voltaica utilizando moedas de 5 céntimos, fieltro e papel de aluminio, coa que foron quen de encender un diodo led. Facendo clic nesta ligazón podedes ver o seu traballo.

Imaxes do obradoiro sobre a pila de Volta (alunm@s de 6º de Ed. Primaria presentan a pila a alumn@s de 4º de Ed. Primaria).

O segundo grupo presentou un interesante traballo sobre o teléfono, coa mesma estrutura que os anteriores (funcións, tipos, evolución, inventor...) e organizou un obradoiro de construción dun teléfono "caseiro", empregando vasos de plástico, corda e palillos. Facendo clic nesta ligazón poderedes ver a súa presentación.

Imaxes do obradoiro sobre o teléfono (alunm@s de 6º de Ed. Primaria presentan o teléfono a alumn@s de 5º e 6º de Ed. Infantil).

2011-05-25T20:54:00.017+02:00

SEMANA DOS OBRADOIROS: MÉRCORES, 25

Un grupo de alumnos e alumnas de 5º de Primaria presentou un obradoiro sobre o invento do reloxo ao alumnado de 1º de Primaria, que puido así coñecer para que serve un reloxo, as súas partes e como evolucionou ao longo da historia. Para rematar a actividade, todos os alumnos de 1º construíron o seu propio reloxo de area. Facendo clic nesta ligazón podedes ver a presentación que elaboraron.

O outro grupo de 5º de Primaria presentou un traballo sobre o compás (brúxula) ao alumnado de 2º de Primaria: as partes do compás, os seus usos, o inventor e a súa historia; e, por último, un obradoiro de elaboración dun compás caseiro, foron as partes nas que se dividiu a súa exposición. Facendo clic nesta ligazón podedes ver a presentación que elaboraron.

2011-05-25T14:41:00.021+02:00

SEMANA DOS OBRADOIROS: MARTES 24

Os alumnos de 6º e 5º de Primaria prepararon varios obradoiros que presentarán ao longo desta semana aos compañeiros de Ed. Infantil, 1º e 2º ciclo de Ed. Primaria.

Todos estes obradoiros constan de dúas partes. En primeiro lugar hai unha parte teórica na cal se fala do invento, da súa evolución ao longo da historia e da biografía do seu inventor. A segunda parte do obradoiro é decididamente práctica e baséase na realización dunha actividade experimental relacionada coa temática que se presenta.

Hoxe, martes 23, @s alumn@s de 6º presentaron os seus traballos sobre dous inventos, a imprenta e o avión, e finalizaron a súa exposición con dous obradoiros de elaboración de selos ou tampóns e dun planeador de papel, respectivamente. Clicando nas seguintes ligazóns poderedes ver as presentacións que elaboraron: imprenta - avión.

Queremos felicitar dende aquí aos nosos alumnos e alumnas de 3º ciclo que prepararon estes pequenos proxectos con tanta ilusión e interese e tamén non esquecernos de agradecer e feliciar a Diego, o seu profesor de informática que dirixiu e coordinou estes traballos. A tod@s a nosa noraboa!!!!

Obradoiro sobre a imprenta ( alunm@s de 6º de Ed. Primaria presentan a imprenta a alumn@s de 4º de Ed. Infantil)

Obradoiro sobre o avión (Alumn@s de 6º de Primaria presentan o avión a alumn@s de 2º ciclo de Primaria)

2011-05-23T22:04:00.007+02:00

SEMANA DOS OBRADOIROS: LUNS 23

Seguindo coa nosa programación, rematamos este ano o segundo proxecto de biblioteca, adicado este ano aos inventos e aos inventores, coa Semana dos Obradoiros, na cal intentamos realizar unha serie de actividades de tipo práctico e con carácter basicamente lúdico, nas que o alumnado ten a oportunidade de acceder aos coñecementos científicos dunha forma manipulativa e cunha grande dose de diversión.

Comezamos hoxe luns coa visita de Ciencia Divertida, que leva anos acercando o mundo da ciencia aos nenos e nenas a través de programas educativos e de entretenemento.

2011-05-21T22:18:00.006+02:00

VISITAMOS A EIRA DA XOANA

Hoxe sábado o alumnado de 6º de Primaria visitou a Eira da Xoana, un centro de Educación Ambiental da Asociación Ecoloxista ADEGA, situado na Golada. Esta visita foi o premio acadado por resultar gañadores do concurso de banda deseñada, convocado pola Asociación do Correlingua.

Nesta xornada coñeceron o Castelo de Pambre, as torrentes de Mácara de Ramil e participaron nas actividades lúdico-musicais do Día da diversidade natural e cultural.

2011-05-04T23:45:00.003+02:00

FELICIDADES A SOFÍA POLO PREMIO!!!

Sofía Acuña Rodríguez, alumna de 2º de Primaria recibiu onte o premio a nivel autonómico do concurso de contos organizado por Serunión, a empresa de cátering que xestiona os comedores escolares.

O tema era Cultivemos un mundo mellor e o obxectivo consistía en fomentar entre o alumnado os valores da convivencia.

Todos os profesores e profesoras do centro sentímonos moi orgullosos e queremos compartir con Sofía e a súa familia a alegría deste logro.

PREMIO BANDA DESEÑADA CORRELINGUA 2011

2011-04-27T10:49:00.007+02:00

Onte, 26 de abril o alumnado de 6º de Primaria fomos a Santiago para recibir o premio do concurso de BANDA DESEÑADA que cada ano organiza o Correlingua.

Xunto con nós, estaban alumnos do IES Agra de Leborís da Laracha e do IES Fontem Albei da Fonsagrada que foron os gañadores, respectivamente, dos concursos do MANIFESTO e de VIDEO.

Estes concursos, xunto con outras moitas actividades forman parte do CORRELINGUA 2011, que un ano mais chegará a 15 vilas e cidades de Galiza coa intención de reivindicar o dereito da mocidade de medrar en galego.

Aquí tedes algunhas imaxes do evento.

LIM: Infórmome do que ocorre

2011-04-25T13:19:00.005+02:00

Como nos comunicamos coas persoas que nos rodean? E coas persoas que están lonxe?

Coñeces os diferentes medios de comunicación e as persoas que traballan neles?

Cal é o medio de comunicación máis rapido? E o máis accesible? Cal mestura imaxes e sons?

Poderás coñecer a resposta a estas e a outras moitas preguntas se te atreves a xogar co LIM que leva por título "Infórmome do que ocorre". Proba a resolver as actividades, os crebacabezas, as sopas de letras, os xogos de memoria... e verás cantas cousas novas aprendes sobre os medios de comunicación.

2011-04-15T17:53:00.002+02:00

VENRES 15, ACTUACIÓN DO ALUMNADO DE 6º DE PRIMARIA E DA COMPAÑÍA TITEREFICCIÓNS.

2011-04-14T21:15:00.001+02:00

XOVES 14, ACTUACIÓN DO ALUMNADO DE 2º E 5º DE PRIMARIA

2011-04-13T14:53:00.002+02:00

MÉRCORES, 13 ACTUACIÓN DOS ALUMNOS DE 4º DE EDUCACIÓN INFANTIL E 1º DE PRIMARIA

Encontros de Bibliotecas Escolares 2010/11

2011-04-12T23:11:00.007+02:00

Veñen de celebrarse os ENCONTROS DO PLAN DE MELLORA DE BIBLIOTECAS ESCOLARES 2010/2011 no Pazo de Congresos de Santiago de Compostela os días 7 e 8 de Abril. Os que xa levamos uns anos pertencendo a este, cada vez máis numeroso grupo, asistimos só o segundo día, o venres 8.

Inaugurou as xornadas o Conselleiro de Educación, Jesús Vázquez. Pola mañá houbo moitas e moi interesantes ponencias, como "Avaliar para avanzar. Prácticas de autoevaluación na biblioteca escolar", que estivo a cargo de Teresa Mañá e Mónica Baró; e unha presentación de experiencias en sesións simultáneas baixo o título:"Literatura en imaxes. Cine e banda deseñada".

As sesións da tarde comezaron cunha xuntanza dos centros por zonas para intercambiar experiencias e materiais e, para rematar, un agasallo moi especial, unha charla a cargo de Xosé Neira Vilas, o autor de "Memorias dun neno labrego".

Dende Salcedoteca, grazas a todas as persoas que fixeron posible, co seu traballo, estes magníficos Encontros, e especialmente aos integrantes da Asesoría de Bibliotecas Escolares, con Cristina e Pilar á cabeza. Os materiais sobre as distintas exposicións, así como os vídeos das conferencias pódense atopar AQUI , entrando como convidado.

2011-04-12T22:31:00.002+02:00

VII SEMANA DA LECTURA

MARTES, 12

ALUMNADO DE 5 ANOS E 3º DE EDUCACIÓN PRIMARIA

2011-04-11T19:18:00.003+02:00

VII SEMANA DA LECTURA

Comeza hoxe a sétima edición da Semana da lectura, adicada ese ano á temática dos inventos, que é o que estamos estudando no 2º Proxecto da Biblioteca. Esta semana caracterízase por concederlle á lectura un lugar privilexiado e protagonsita nas nosas actividades e por conmpartir con toda a comunidade educativa uns momentos de lecer en torno ao acto de ler, que é tan transcendente no noso proxecto educativo.

LUNS, 11

ACTUACIÓN DO ALUMNADO DE 5º DE EDUCACIÓN INFANTIL E 4º DE EDUCACIÓN PRIMARIA

2011-04-07T22:15:00.002+02:00

O CEIP SAN MARTIÑO PARTICIPA NA EXPOSICIÓN DE PINTOS NO CAFÉ MODERNO

O pasado mércores 6 de abril, o Concello de Pontevedrainaugurou a exposición sobre Xoán Manoel Pintos, que podedes visitar no Café Moderno en horarios de mañá e tarde ata o día 7 de maio.

Esta exposición consta de dúas partes: a primeira delas, centrada especificamente na figura deste autor galego, cunha infografía de algo máis de 30 metros lineais, que recolle o máis destacado da súa vida, xunto con outras informacións relacionadas; a segunda parte, está formada polo traballo de oito centros educativos do Concello de Pontevedra que, aproveitando unha proposta da Concellaría de Normalización Lingüística, introducimos ao autor pontevedrés no noso currículo escolar. O noso centro ten alí un traballo realizado polo alumnado de Educación Infantil, que ademais foi tratado amplamente nunha ponencia do Congreso académico sobre Pintos no día da súa inauguración.

Dende aquí deixamos constancia gráfica desta ponencia e invitamos a todas as familias do centro a visitar a exposición do Café Moderno.

Se queredes máis información podedes atopala pinchando nas seguintes palabras: Xoán Manoel .

2011-04-02T10:18:00.002+02:00

ESTREAMOS O ROTEIRO DOS BOLECHAS

O CEIP San Martiño estreou en Pontevedra por primeira vez o Roteiro dos Bolechas co alumnado de Educación Infantil.

Coñeceron a vila a través da obra de Pepe Carreiro, "Os Bolechas visitan Pontevedra".

Despois foron agasallos con cadanseu libro asinado polo autor e asistiron a unha obra de teatro.

¡Unha mañá redonda!

LIM: Vou de compras

2011-03-30T22:14:00.010+02:00

Onde mercades o que necesitades?

Sabes o que é un hipermercado?

De que formas se pode pagar o que compramos?

Gastamos cartos cando pagamos con tarxeta?

Poderás coñecer a resposta a estas e a outras moitas preguntas se te atreves a xogar co LIM que leva por título "Vou de compras". Proba a resolver as actividades, os crebacabezas, as sopas de letras, os xogos de memoria... e verás cantas cousas novas aprendes sobre o comercio.

2011-03-04T20:41:00.004+01:00

O ENTROIDO 2011

Este venres, 4 de marzo celebramos a festa tradicional do Entroido no centro.

Houbo música, comida e moita diversión para todos.

Grazas dende aquí ás familias que colaborastes connosco neste día.

Deixamos nesta reportaxe algúns recordos...

2011-02-24T20:55:00.003+01:00

2º PROXECTO: OS INVENTOS E OS INVENTORES

Como cada ano no mes de febreiro, comezamos o segundo dos nosos proxectos de Biblioteca, adicado este ano aos inventos e aos inventores.

Nesta primeira fase de motivación, preparamos dúas actividades: unha visita á Casa das Ciencias e ao Domus da Coruña e unha exposición sobre algúns dos inventos e a súa evolución no tempo, grazas á colaboración de moitas das familias da nosa comunidade educativa. Xunto á mesma tamén presentamos outra con fondos bibliográficos relacionados con esta temática.

Ambas exposicións están ubicadas na Biblioteca do centro e pronto estarán abertas ao público, para que poidades visitalas.

Grazas dende aquí a tod@s por colaborar connosco na preparación destas actividades.

2011-02-23T23:00:00.005+01:00

Xira a Terra sobre si mesma?

Móvese a Terra arredor do Sol ou é o Sol o que se move arredor da Terra?

Por que un día dura 24 horas e un ano 365 días?

Por que cambia de forma a Lúa?

Poderás coñecer a resposta a estas e a outras moitas preguntas se te atreves a xogar co LIM que leva por título "A Terra xira e xira ...". Proba a resolver as actividades, os crebacabezas, as sopas de letras, os xogos de memoria... e verás cantas cousas novas aprendes sobre a Terra, o Sol e a Lúa.

2011-02-08T22:09:00.009+01:00

OS ALUMNOS OPINAN...

Estas dúas últimas semanas realizamos dende Educación Infantil ata 6º de Primaria unha saída moi interesante á exposición de La Caixa, ubicada na Praza de España en Pontevedra, titulada El bosque,que se combinou con outra visita ás Torres Arzobispais, preto de Santa María. Tamén visitamos una exposición de pintura e participamos nun obradoiro de interpretación plástica. Sobre algunhas destas experiencias deixamos aquí a impresión dunha das alumnas do centro.

(Redactado por Elia Pedrosa, alumna de 5º de Primaria sobre unha das nosas saídas culturais, realizada nesta última semana...)

"Hoxe, día 4 de febreiro, visitamos o Centro de Interpretación das Torres Arzobispais. Alí recibiunos un guía que nos ensinou diferentes instrumentos de barro e porcelana, imitando aos que se utilizaban antigamente. Tamén vimos o foxo do castelo e as pedras que se utilizaban para as béstas(catapultas). Logo ensinounos unhas moedas moi antigas feitas de cobre e algunhas de prata. O guía púxonos unha película en 3D moi interesante sobre a vida nos castelos e todo o que ía pasando neles ao longo dos anos. Ao final da visita xogamos ao xogo que había de contestar preguntas, pero era moi difícil.

Cando saímos das Torres Arzobispais fomos á exposición "O bosque" e alí tamén nos recibiu unha guía chamada Raquel. Nesa exposición vimos moitísimas cousas sobre o bosque: sementes, anacos de árbores, niños, a vida dunha miñoca... A guía explicounos que as miñocas son moi importantes porque fan tubiños debaixo da terra que serven para que a auga da chuvia e o aire cheguen ás raíces das árbores. Raquel tamén nos ensinou moitas cousas máis, como distintos tipos de árbores ou elementos que se poden facer coa madeira ou os froitos.

Esta saída foi moi interesante e divertida e gustaríame volver cos meus pais."

LIM: Así é a Terra

2011-02-03T22:12:00.011+01:00

Que hai na atmosfera?

A auga é sólida, líquida ou gasosa?

Que é o ciclo da auga?

Hay seres vivos no solo?

Poderás coñecer a resposta a estas e a outras moitas preguntas se te atreves a xogar co LIM que leva por título "Así é a Terra". Proba a resolver as actividades, os crebacabezas, as sopas de letras, os xogos de memoria... e verás cantas cousas novas aprendes sobre o noso planeta.

2011-02-02T19:18:00.003+01:00

COMO CONSTRUÍMOS A PAZ?

Baixo este lema, traballamos este ano nas aulas para conmemorar o Día Internacional da Paz 2011. Celebrámolo, coma sempre, tanto no centro como na Ferrería, participando nun acto conxunto organizado polos diferentes centros do Concello.

No CEIP San Martiño aparte de dedicar un conto ao noso alumnado, que se titulou "A cousa que máis doe do mundo", que falaba sobre o dano que pode causar a mentira, elaboramos entre todos un gran mural, a modo de muro, no que os ladrillos eran mensaxes de paz, feitas polo noso alumnado.

E na Praza da Ferrería tamén estivemos contribuíndo coa nosa aportación para levantar a escultura pola paz, formada coas caixas decoradas que deixou cada centro.

Proxecto: Xogamos?

2011-01-24T22:24:00.002+01:00

Baixo o nome de Xogamos? agrúpanse unha serie de recursos informáticos adicados á elaboración e utilización de xogos de pregunta-resposta. As ferramentas que inclúe para a creación de xogos son:

EdiPre: editor de preguntas.
DEX: Deseño de Xogos. Aplicación para a construcción das interfaces gráficas dos xogos.
E por último Xoga é un script en flash que permite a utilización dos xogos en diversos sistemas operativos ademáis de Internet.

Se queres probar cunha actividade de Xogamos? visita "Oñitram", o blog do E.D.L.G., ou entra no "Recuncho LIM" da Salcedoteca.

PDI

2011-01-20T18:22:00.004+01:00

EXPOSICIÓN DOS TRABALLOS DE INVESTIGACIÓN SOBRE A VERDADE E MENTIRA DAS LENDAS

2011-01-19T17:53:00.003+01:00

VISITA AO MOSTEIRO DA ARMENTEIRA

O pasado venres, 14 de xaneiro, o alumnado de 2º, 3º e 4º de Primaria realizaron unha visita ao Mosteiro da Armenteira. Esta actividade encádrase dentro do 1º Proxecto de Biblioteca, adicado este ano ao tema das verdades e mentiras da historia, que os nosos alumnos e alumnas centraron ao redor do mundo das lendas. Por esta razón quixeron visitar o famoso Mosteiro da Lenda de San Ero, o monxe que durmiu durante 300 anos ao escoitar o canto dun paxariño...

Tamén tiveron ocasión de visitar ao seus amigos do CEIP da Armenteira, cos cales pasaron uns momentos de lecer. Para o noso recordo, aquí quedan esta reportaxe.

LIM: As plantas

2011-01-16T21:05:00.008+01:00

Cales son as partes dunha planta?

Teñen flores todas as plantas?

Que beneficios obtemos delas?

Que pasaría se non houbese plantas?

Poderás coñecer a resposta a estas e a outras moitas preguntas se te atreves a xogar co LIM que leva por título "As plantas". Proba a resolver as actividades, os crebacabezas, as sopas de letras, os xogos de memoria... e verás cantas cousas novas aprendes sobre estes grupos de seres vivos.

2010-12-23T12:59:00.002+01:00

FELIZ NADAL!!!

O profesorado do CEIP San Martiño quere desexarlles a toda a comunidade educativa unhas Boas Festas e que o ano 2011 veña cargado de ilusións e de desexos cumpridos.

Deixamos aquí este precioso vilancico para compartir con todas as familias do centro.

É o noso pequeno agasallo de Nadal...

LIM: Peixes, anfibios e réptiles

2010-12-19T12:28:00.012+01:00

Gústanche os animais?

Coñeces algún peixe?

Sabes se os anfibios poñen ovos?

Teñen patas todos os réptiles?

Poderás coñecer a resposta a estas e a outras moitas preguntas se te atreves a xogar co LIM que leva por título "Peixes, anfibios e réptiles". Proba a resolver as actividades, os crebacabezas, as sopas de letras, os xogos de memoria... e verás cantas cousas novas aprendes sobre estes grupos de animais vertebrados.

2010-12-15T11:09:00.004+01:00

VISITA A BIBLIOTECA E AO MUSEO

Os nenos e nenos de 1º e 2º de Educación Primaria, fomos o martes 14 de decembro de excursión á Biblioteca Pública de Pontevedra e ao Museo.
Na biblioteca, Marina explicounos cales eran as normas que debiamos cumprir para estar alí, como por exemplo: non falar alto, non correr polos corredores, non comer por se manchamos os libros,… Despois, contounos un conto sobre unha árbore máxica que daba todo tipo de froitas, ao que todos estivemos moi pendentes. Ademais, de ensinarnos coma estaban organizados os libros e materiais audiovisuais deixounos ler os libros e revistas que quixemos. E para finalizar, leunos outro conto, para o cal empregou uns animais de cartón; e tamén nos deixou colorear á protagonista da historia: a cebra.

No museo, Raquel ensinounos case todas as salas do museo. Vimos as xoias de acibeche que fixeron os nosos antepasados non moi afastados, os barcos viquingos, recordos e armas de Cristóbal Colón, o despacho de Méndez Núñez, así como a antiga cociña da casa onde está agora o museo, unha reprodución da sala de reunións dun barco de época e para rematar unha sala onde se gardan todos os tesouros de ouro de moitas épocas.Esta excursión ademais de divertida, foi moi interesante, xa que aprendemos moito.

2010-12-11T23:03:00.006+01:00

EXPOSICIÓN DE PDI DO ALUMNADO DE EDUCACIÓN INFANTIL

O alumnado de Educación Infantil presentou este trimestre unha serie de pequenos traballos de investigación que versaron sobre diferentes temas moi interesantes: as prantas medicinais, o pirata Benito Soto de Pontevedra e os Muíños de Salcedo.

Aquí queda esta reportaxe gráfica da súa presentación:

2010-12-02T09:05:00.004+01:00

OS MUÍÑOS DA CANCELA

O pasado día 23 de novembro, o alumnado de Educación Infantil fomos facer unha muiñada aos Muíños da Cancela. Alí collemos millo, debullamos e logo fixemos fariña.

Aprendemos moitas palabras que xa estaban no diccionrio de Xoán Mnuel Pintos hai douscentos anos.

Queremos agradecer especialmente a colaboración de Ramón Laxe, presidente da Asociación de veciños Campo da Porta, sen quen non sería posible esta saída.

2010-11-25T21:37:00.004+01:00

O CASTRO DE OÑITRAM

O primeiro proxecto de Biblioteca leva por título "A historia: verdadade ou mentira", este ano estamos estudiando a través das lendas, cales son as realidades e as ficcións que se esconden detrás de moitas das historias que chegaron ata nós.

O alumnado de 5º de primaria, xunto co seu profesor titor, está facendo un traballo de investigación sobre os celtas, pobo mítico que se atopa nas raíces da nosas orixes, e ademais doutras actividades, deseñaron unha maqueta representando a un poboado celta. Podedes visitalo no centro cando queirades.

Deixamos aquí esta reportaxe gráfica para que o vexades en detalle.

LIM: É un mamífero ou unha ave?

2010-11-24T23:19:00.006+01:00

Estamos de volta coa cuarta entrega de LIM (Libro Interactivo Multimedia), neste caso presentamos o titulado "É un mamífero ou unha ave", que traballa contidos relacionados coas características que diferencian a estes dous grupos de vertebrados.

Lembrade que, aínda que está pensado para 2º de primaria, todos e todas podedes aprender con actividades como xogos de asociación, sopas de letras, crebacabezas, xogos de memoria, vídeos...

Facede clic na imaxe e... A aprender xogando!

2010-11-18T22:11:00.005+01:00

E POR FIN HOUBO MAGOSTO

Non se puido celebrar no día previsto por causas da climatoloxía, pero por fin fixemos este martes pasado o Magosto.

Resultou unha festa para todos: houbo tempo para xogar e para comer, houbo tempo para rir e para falar...

Todos colaboramos na organización, especialmente o alumnado de 6º, que como xa vai sendo tradicional, fixeron de monitores nos diferentes xogos que se repartiron polo patio: carreira de sacos, tirar da corda, zancos, tiro á rá...

Mirádeo vós mesmos nesta reportaxe:

2010-11-15T10:57:00.005+01:00

Estás segur@ de que sabes navegar pola rede??

A Internet representa un mundo de posibilidades para o lecer e a aprendizaxe pero tamén supón unha serie de riscos, como son os contidos inapropiados ou a facilidade de contacto con persoas que non son sempre o que semellan ou din ser.

Na páxina "Navega con rumbo" poderedes atopar unhas guías de navegación para alumn@s, pais e profesores que vos axudarán a navegar segur@s.

Podedes comprobar o que sabedes nestes xogos!

2010-11-11T20:47:00.004+01:00

DEGUSTACIÓN DE FROITAS DO OUTONO

Por primeira vez o CEIP San Martiño participou no programa patrocinado pola Deputación de Pontevedra a través da Estación Fitopatolóxica do Areeiro (Lourizán), que consistiu non só na degustación dos froitos típicos do outono, senón que se levaron a cabo actividades relacionadas con esta actividade na Hora de Ler e visionamos unha presentación de diapositivas sobre as características e propiedades de cada unha das froitas que se degustaron.

O éxito e a boa acollida por parte de todo o alumnado anímanos a repetir esta experiencia e que vén a complementar a semana adicada á celebración do Magosto.

2010-11-07T19:40:00.009+01:00

Aquí vai o terceiro LIM (Libro Interactivo Multimedia) para os alumnos e alumnas de 2º de primaria. Nesta ocasión está dedicado ao tema da familia: relacións de parentesco, árbore xenealóxica, apelidos, etc.

Lembrade que, aínda que está pensado para 2º de primaria, todos e todas podedes aprender con actividades como xogos de asociación, sopas de letras, crebacabezas, xogos de memoria, cancións...

Clica na imaxe e a xogar e a aprender!

2010-11-05T13:00:00.006+01:00

UNHA VIAXE POLA MÚSICA ANDINA

O venres 29 de outubro, tivemos unha saída de música, fomos ao Pazo a Cultura a ver e escoitar un grupo de música andina chamado Sakapatú, que está formado por homes todos eles de Sudamérica; uns de Perú e outros de Chile. Tocaron moitos instrumentos que nos gustaron moito.
En primeiro lugar, saíu un inca tocando a quena e dous músicos máis tocando as chajchas e as zampoñas, o que nos transportou no tempo á música precolombiana. Moitos destes instrumentos facíanse con cana de bambú como: a quena, a quenilla, o quenacho, as zampoñas. Aínda coñecemos moitos máis instrumentos desta música: o charango que na súa orixe ten unha lenda moi bonita dun animal chamado Quirquincho. Outro instrumento que nos impresionou foi a “quijada de burro” que soaba moi ben e está feito cos ósos da cabeza dese animal. Tamén tocaron o bombo andino, o pau de choiva, guitarras e algúns máis.
Tocaron moitas cancións ; algunhas con influencia española e outras africana, unha xa a sabiamos porque a aprendemos na clase de música. Bailamos rap e divertímonos moito, acompañando a música con palmas e cantando, gustounos moito a canción de “Poco a Poco” porque xa a sabiamos .
Deunos moita pena de que acabase o concerto porque nos encantou.

2010-11-01T13:35:00.011+01:00

III ENCONTROS DE BIBLIOTECAS ESCOLARES DE GALICIA

Os pasados 29 e 30 de outubro celebráronse en Santiago, no Palacio de Congresos os III Encontros de Bibliotecas Escolares de Galicia.

Ao longo destas xornadas, os más de 1.200 participantes reflexionamos sobre a importancia da lectura e sobre todo sobre a introducción das "novas lecturas" a través das TIC no mundo actual e o impacto que este fenómeno supón para o noso alumnado e para o noso labor como educadores.

Tamén se presetaron diferentes experiencias e proxectos que os centros galegos están a levar a cabo en materia de dinamización da lectura, formación de usuarios, educación documental... o cal serve para dar a coñecer aos demais as liñas de traballo que se seguen neste tema e axuda á formación como bibliotecarios das persoas que se adican dende hai anos á dura tarefa de saber achegar o mundo da lectura ao nosos alumnos e alumnas.

O CEIP San Martiño estivo alí presente e demos ademais a coñecer por terceiro ano consecutivo o noso proxecto de Biblioteca nunha pequena ponencia. Dende aquí agradecemos a todos os asistentes á mesma o interese por coñecer o noso traballo e desexamos que sirva para a mellora da nosa práctica educativa, obxectivo principal destes Encontros.

(Pinchando na imaxe e logo no botón "entrar como convidado", atoparás máis información sobre os Encontros)

Samaín 2010

2010-10-28T18:56:00.015+02:00

O xoves 28 de outubro, na celebración do Samaín, o salón de actos converteuse nunha sala de exposicións, con máis dun centenar de cabazas decoradas polos rapaces e rapazas. Pero ademais, o salón foi ocupado por todo tipo de seres maléficos, como espíritos, esqueletos, pantasmas... que recibiron a visita dos asombrados alumn@s do colexio.

Durante a visita, todos os grupos foron obsequiados coa lectura dun conto de medo titulado “A casa da miña avoa”, que recorre ao suspense e a tensión narrativa para abordar a inquietante —mais finalmente divertida— xornada que vive o meniño protagonista, nun día que cría predicible: comer torta e apagar as candeas no día do seu aniversario.

O conto foi representado por un grupo de profesor@s e, como podedes ver neste vídeo, pasámolo realmente de medo!!!

Se queredes ver máis fotos dos actos só tedes que visitar "Oñitram", o blog do Equipo Dinamización da Lingua Galega. Esperamos que vos gusten!

2010-10-25T23:13:00.011+02:00

Gústache a lectura?

Flipas cos ordenadores?

Por que non combinar as dúas cousas?

Na web http://www.ellibrototal.com/ poderás conseguir unha auténtica biblioteca en liña no teu propio ordenador.

Que non che gusta ler! Non te preocupes, pois o propio ordenador pode ler por ti.

Non deixes de visitar este sitio web que está a lograr dunha maneira moi enxeñosa, conectar o mundo real da lectura co mundo virtual para que así, aínda que desexes ler un libro na web, non perdas o pracer de sentir que estás lendo un libro real.

2010-10-24T13:59:00.003+02:00

Hoxe aproveitamos a ventá que nos ofrece este blogue para presentarvos un novo produto que vai a revolucionar o mundo da lectura, o Bio-Optic Organized Knowledge, tamén chamado “Book”.

O novo inxenio constitúe un avance sen precedentes en tecnoloxía; sen fíos, sen circuítos eléctricos, sen batería, compacto e portable, é tan fácil de usar que incluso un neno pode utilizalo.

No vídeo podedes ver un titorial do seu funcionamento e dos periféricos que se lle poden acoplar.

2010-10-23T17:52:00.005+02:00

DÍA DAS BIBLIOTECAS

CONTADOR QUE ME CONTAS?

Para celebrar o Día das Bibliotecas organizamos no centro unha actividade de contacontos, na que os contadores foron os alumnos e alumnas de 4º, 5º e 6º de Primaria. O agradecido público, que pedía máis!, foron os máis pequenos de Ed. Infantil, 1º, 2º e 3º de Primaria.

En total cóntanse catro contos a cada nivel durante a Hora da Lectura do venres, 22 e o luns, 25.

Aquí deixamos unhas imaxes de como de desenvolveu a primeira xornada deste CONTADOR QUE ME CONTAS?...

LIM: "Así funciona o meu corpo"

2010-10-21T18:33:00.005+02:00

Aquí estamos de volta para presentarvos un novo LIM (Libro Interactivo Multimedia) sobre o corpo humano, pensado para os alumnos e alumnas de 2º de primaria, pero no que todos e todas podedes demostrar os vosos coñecementos.

Este LIM, titulado "Así funciona o meu corpo" traballa contidos relacionados cos aparatos dixestivo, respiratorio e circulatorio. Animo! Facede clic na imaxe e... A aprender xogando!

2010-10-15T13:25:00.005+02:00

VISITA AO PARQUE ARQUEOLÓXICO DE TOURÓN (PONTECALDELAS)

O primeiro proxecto de investigación deste curso titúlase "A historia: verdade ou mentira?"
O alumnado de 3º decidimos estudar as lendas, porque aínda que moitas veces parten dunha verdade, contan tamén moitas mentiras. Concretamente estamos traballando "A lenda da Pedra da Moura", un dos petróglifos que hai no monte de Salcedo e, para aprender máis cousas sobre eles, o xoves 7 de outubro, visitamos o centro arqueolóxico de Tourón cos alumnos de 4º e 5º de Primaria.

Ao chegar alí recibiunos María, a guía. Levounos ata unha caseta, onde vimos uns videos que trataban dos diferentes tipos de debuxos que aparecían nos petróglifos. María explicounos que estes son de tipo figurativo cando teñen gravados figuras humanas ou de animais e, son abstractos cando os gravados son figuras xeométricas ou non podemos identificar o que representan. Tamén vimos uns vídeos onde se explicaba como se fai un petróglifo: con varias pedras diferentes tallaban os debuxos sobre unha pedra plana.
Logo saímos ao monte e vímolos: un que tiña un círculo con cazoletas, outro dun home cun cabalo, un cervo enorme, outro abstracto,o último non puidemso velo porque estaba moi arriba e choviscaba. María recomendounos visitar os petróglifos a primeira hora do día ou á última hora da tarde, porque é cando mellor se ven os gravados.
A excursión gustounos moito e foi entretida, aínda que nos mollamos un pouco!

2010-10-14T23:56:00.008+02:00

Dende o blog da biblioteca do CEIP Víctor Sáenz de Mazaricos chegan esta morea de recursos para celebrar o Samaín.

Hai de todo: cancións, videos, xogos, libros...Vai ser un Samaín... de medo!

Pincha na imaxe ou aquí e poderás coñecelos. Graciñas e ánimos dende Salcedoteca.

LIM: "Sinto e móvome"

2010-10-14T23:12:00.015+02:00

Os alumnos e alumnas de 2º de Primaria pasárono en grande e aprenderon moitísimo con este LIM (Libro Interactivo Multimedia) titulado "Sinto e móvome".

O LIM, con xogos, actividades, vídeos, etc. foi elaborado polos seus profes para traballar contidos relacionados cos ósos, os músculos e os sentidos.

Facendo clic neste enlace ou na imaxe poderedes aprender tanto coma eles e pasalo igual de ben.

Recursos dixitais desde a Biblioteca do cole

2010-10-14T22:45:00.005+02:00

Como ususarios/as do Meiga (o programa de xestión da rede de Bibliotecas de Galicia) temos acceso a unha chea de valiosísimos recursos electrónicos que non debemos desaproveitar. desde a casa, desde o centro... cando buscamos información podemos botar man destes recursos en liña.

Para elo, debes saber o teu número de lector, o nº de carné da biblioteca, e ter un contrasinal, o nome ou apelido do alumno ou alumna.

Espero que esta presentación feita pola BP Anxel Casal de Santiago, vos sirva de axuda para usar este servizo tan valioso. Lembrade que en lugar de entrar a través do portal de bibliotecas de Galicia, hai que entrar desde a páxina da biblioteca do centro, no proxecto MEIGA.

Como ler un conto e non morrer no intento

2010-10-04T10:58:00.011+02:00

Que contos debo contar? Cando o fago? Que recursos podo utilizar?...

Seguro que todos nos fixemos algunha destas preguntas cando nos enfrontamos á “responsabilidade” de ler un conto aos nosos fillos e fillas.

Contar un conto non é simplemente lelo. Tampouco fai falta ter ningunha habilidade especial, todos somos capaces de contar un conto, incluso as persoas que están convencidas de que non saben facelo, do mesmo xeito que todos sabemos contar unha anécdota persoal conseguindo que aos demais poida interesarlles. Cun pouco de imaxinación e dedicación axudaremos aos nosos fillos a descubrir o mundo fantástico dos contos.

No seguinte enlace podedes ler un pequeno artigo da Fundación Germán Sánchez Ruipérez, con vídeos demostrativos de “como ler un conto e non morrer no intento”

2010-09-09T21:50:00.001+02:00

BENVIDOS!

O próximo 10 de setembro iniciamos de novo un curso escolar e o Claustro de profesores do CEIP San Martiño quere aproveitar para dar a benvida a todo o noso alumnado, especialmente aos novos alumnos e ás súas familias.

Coma sempre comezamos co mellor dos desexos para todos e temos a intención, unha vez máis, de dar cumprimento neste curso 2010/11 ao noso proxecto educativo, que como ben sabedes os que nos acompañades dende hai algúns cursos, caracterízase por tentar facer dos nosos alumnos persoas competentes e autónomas para o seu desenvolvemento na vida.

Esperámosvos con moita ilusión.

Ánimo e benvidos ao curso 2010/2011!!!

. Disfrutade da nosa pequena homenaxe a ese grande escritor que nos acaba de deixar: JOSÉ SARAMAGO

2010-06-28T23:37:00.006+02:00

Felicidades a Cris

2010-06-24T13:06:00.005+02:00

Cristina Rodríguez González de quinto curso de Primaria levou o segundo premio na III Edición do Concurso de Redacción organizado pola Delegación da Axencia Tributaria de Pontevedra.
O galardón foille entregado pola Delegada provincial de Facenda e consistiu nun obsequio e un diploma para Cris. Ademais, dun diploma para o Ceip San Martiño por colaborar neste concurso.
Acompañárona á Delegación de Facenda a súa profesora e os seus pais que están moi orgullosos de Cris.

2010-06-21T10:56:00.007+02:00

EXCURSIÓN AO PARQUE NACIONAL DE CORRUBEDO

O pasado domingo, 20 de xuño a ANPA do CEIP San Martiño organizou unha excursión ao Parque Nacional de Corrubedo.

Nesta visita as familias participantes puideron observar as aves acuáticas na Lagoa de Vixán e realizar un roteiro a pé pola parte sur do Parque, antes do descanso do mediodía. Logo pola tarde visitaron o Centro de Interpretación, fixeron un roteiro pola parte norte do Parque, na que se atopa a duna móbil e por fin subiron ao Miradoiro de Castrocidá.

Para que lles quede un pequeno recordo a todos eles, aquí deixamos a reportaxe gráfica dese día.

2010-06-07T18:18:00.005+02:00

VISITA AOS BOMBEIROS

Dentro do proxecto de "Coñece a túa cidade" que programou o Equipo de Biblioteca na primeira parte do curso, quedou pendente por razóns organizativas a visita do alumnado de Educaión Infantil ao Parque de Bombeiros.

Damas e cabaleiros...Acrosport!!!!

2010-06-07T17:39:00.013+02:00

E continuando co ambiente circense, a pasada semana os alumnos e alumnas do 3º ciclo de educación primaria presentaron as súas composicións de "acrosport".

Como sabedes, o acrosport é un deporte acrobático-coreográfico onde se integran tres elementos fundamentais:

Formación de figuras ou pirámides corporais.

Acrobacias e elementos de forza, flexibilidade e equilibrios como transicións dunha figura a outras.

Elementos de danza, saltos e piruetas ximnásticas como compoñente coreográfico, que lle outorga a este deporte o grao de artístico.

Premendo no seguinte enlace poderedes gozar cos vídeos das acrobacias realizadas pol@s vos@s compañeir@s.

2010-05-25T14:26:00.009+02:00

... E HOXE MALABARES DE CIRCO NO NOSO CENTRO

Hoxe martes, 25 e continuando co circo, segundo proxecto de Biblioteca, tivemos unha actuación de malabares coas SIRCÓPATAS.

Moitos dos nosos alumnos que levan tempo practicando malabares na clase de Educación Física souberon valorar, por propia experiencia, a dificultade que representaban moitos dos números que nos ofreceron .

Foi un final festivo e apoteósico coa gran actuación das SIRCÓPATAS, un espectáculo de malabares, diávolo... acompañado de música, humor, ritmo, sorpresas.... co que quedamos encantados.

montagem 2010 from asSircopatas on Vimeo.

2010-05-22T19:58:00.015+02:00

GRAN ACTUACIÓN DO MAGO DA BOINA E GRANPEDRINI!!

O venres, 21 foi un día espectacular para todos porque puidemos disfrutar da actuación do Mago da Boina e do Mago Granpedrini, que nos fixeron rir a montón e ademais quedamos abraiados cos seus fantásticos trucos de maxia. Foi un día moi especial porque puidemos compartir a nosa alegría cos alumnos do CEIP A Armenteira que nos visitaron co motivo da actividade de intercambio, que organiza o noso Equipo de Normalización Lingüística con este centro dende o curso pasado.

Deste xeito lúdico e festivo, estamos a dar remate este final de curso, ao segundo proxecto adicado ao mundo do circo e da maxia, que a biblioteca do CEIP San Martiño programara para este ano.

Por último, queremos mostrar o noso agradecemento ao Departamento de Educación do Concello de Pontevedra que subvencionou este espectáculo.

2010-05-20T23:30:00.008+02:00

OBRADOIRO DE MAXIA II

Hoxe rematamos o segundo obradoiro de maxia cos laumnos de 1º, 2º e 3º de Primaria. Nestas imaxes podedes ver como discorrerou a xornada.

2010-05-19T17:56:00.003+02:00

OBRADOIRO DE MAXIA

Hoxe o alumnado de 4º, 5º e 6º disfrutaron dos obradoiros de maxia, que correron a cargo do Mago da Boina e do mago Granpedrini.
Aprenderon moitos trucos e incluso elaboraron eles mesmos os elementos necesarios para levar a cabo as sorprendentes maxias. Podedes velo pinchando na imaxe:

2010-05-18T19:12:00.013+02:00

OBRADOIROS CIRCENSES

Dende que comezamos o pasado mes de febreiro co proxecto de biblioteca, adicado ao circo, estivéronse realizando no centro diferentes actividades de documentación, literarias, artísticas, culturais... pero quizáis as que máis no emocionan son sempre as acrobacias e a maxia, exclusivas do mundo circense.

E inda que o noso alumnado estivera practicando en Educación Física malabares, rulo americano,acrosport, equilibrio e outros... e sexan algúns deles uns auténticos expertos... queremos, para rematar o proxecto, adicarlle un espazo especial ás acrobacias e tamén á maxia , organizando unha serie de obradoiros para os próximos días.

Estes obradoiros serán a cargo do Mago da Boina e Granpedrini, os cales estarán mércores e xoves en San Martiño para ensinar os seus trucos de maxia aos nosos alumnos e alumnas. Rematará o venres co gran espectáculo "Tempo de maxia", moi divertido, cheo de humor e sospresas.

E na vindeira semana, o martes 25, teremos connosco á compañía das Sircópatas de Cangas, grandes artistas do panorama actual en clown e en malabares, para dar unha despedida completa e chea de colorido ao proxecto deste ano.

2010-05-15T00:50:00.005+02:00

LETRAS GALEGAS, 2010

2010-05-06T14:12:00.011+02:00

CARTAFOL DO LÉREZ

O noso alumnado de 3º ciclo de primaria participa este ano nunha iniciativa do Concello de Pontevedra, que ten como obxectivo realizar diferentes obradoiros nas Bibliotecas escolares dalgúns centros do concello, coa idea de achegarse ao mundo do libro e da lectura, reforzando así o papel que desempeñan as biliotecas escolares neste senso.

Realizarase con todos os traballos elaborados nestes obradoiros un cartafol dixital que servirá como medio de comunicación e intercambio entre as diferentes Bibliotecas.

Ademais tiraranse 6.000 exemplares que serán distribuídos entre a poboación escolar de pontevedra de educación infantil e primaria.

Para a posta en marcha destes obradoiros contouse coa colaboración da editorial Kalandraka.

Dende aquí grazas a todas as persoas implicadas neste programa por darnos unha oportunidade máis para fomentar a lectura entre os nosos alumnos e alumnas.

2010-05-04T12:48:00.004+02:00

PROGRAMA DE EDUCACIÓN CÍVICO- TRIBUTARIA

Hoxe o alumnado de 5º de Primaria... asistiu a unha charla, dentro do Programa de Educación cívica, que organiza a Axencia Tributaria.

Ao longo da mesma falouse, entre outras cousas, da idea que debemos ter como cidadáns acerca dos bens que son públicos e o respecto que isto supón á hora de financialos co esforzo de todos, para logo ser utilizalos en beneficio común.

Neste programa trátase de transmitir ao alumnado os valores que como contribuíntes temos que adquirir para disfrutar de bens públicos coa aportación individual de cada un de nós.

2010-04-23T14:17:00.004+02:00

SEMANA DA LECTURA

VENRES, 23

Demos remate á VI Semana da Lectura, coincidindo co Día Internacional do Libro con dúas actuacións: os alumnos e alumnas de 6º de Primaria, demostráronnos os seus dotes interpretativos, levando á escea un clásico da literatura, "O mago de Oz". Obra que ademais adaptaron e traduciron a lingua galega.

A continuación un grupo de profesores e profesoras do centro, acompañados por algúns alumnos de 3º e 5º de Primaria, realizaron a lectura proxectada do libro "Si tienes un papá mago...".

Estamos moi satisfeitos de todos os traballos que os diferentes grupos presentaron ao longo desta semana aberta, adicada á lectura. Grazas dende aquí a alumn@s e profesores que se esforzaron tanto en conseguir que a celebración da VI Semana da Lectura fose un éxito.

Agradecemos tamén a participación de todas as familias que nos acompañaron ao longo destes días, compartindo co resto da comunidade educativa momentos de ledicia e de lectura! Ata o ano que vén!

2010-04-22T21:21:00.014+02:00

23 DE ABRIL: DÍA INTERNACIONAL DO LIBRO

Como cada ano, o Día Internacional do Libro vén celebrándose no CEIP San Martiño con varias actividades, que conmemoran este evento:

Este ano, para empezar, temos no centro a exposición colaborativa entre máis de cen Bibliotecas escolares de Galicia "PARA QUE LES?, que vos invitamos unha vez máis a visitar: merece a pena.

Ademais mañá, daremos remate á Semana da Lectura coa intervención dos alumnos de 6º de Primaria, que nos están preparando todo un clásico en teatro: O mago de Oz.

Tamén hai un grupiño de profesores e profesoras do centro que seleccionaron unha lectura moi especial para ofrecernos neste "final de festa", porque pará nós o Día do libro, é o día máis grande do ano. O libro é algo moi importante nas nosas vidas!

Como dicía a Sra. Irina Bokova, Directora Xeral da UNESCO: "...os libros plasman de maneira magnífica as diversidades creadoras. Conducen ao coñecemento universal e participan no diálogo entre as culturas. Son instrumentos de paz."

E para rematar estas palabras adicadas ao libro, queremos que vexades a linda montaxe que Mónica Muñoz, compañeira do CEIP Frian de Teis preparou co Manifesto do escritor Eliacer Cansino para o Día Interancional do Libro Infantil 2010.

Manifesto para o Día do Libro Infantil 2010 from Frianciño on Vimeo.

2010-04-22T17:44:00.005+02:00

SEMANA DA LECTURA

XOVES, 22

... E xa estamos chegando a o final desta VI Semana da Lectura adicada este ano ao mundo do circo. Está resultando emocionante e moi divertida!

Hoxe actuaron os alumnos de 6º de Educación Infantil, que nos presentaron a obra "O pallasiño R"; a continuación representou 1º de Primaria unha escenificación do libro "O mago Orlando" e ao final os maiores do centro, os alumnos de 5º de Primaria, realizaron todo un espectáculo, presentando ao "Circo Granmartiño".

2010-04-21T21:43:00.008+02:00

SEMANA DA LECTURA

MÉRCORES, 21

Neste día contamos coa actuación dos alumnos de teatro extraescolar do centro, presentando a obra "O circo das rimas"; tamén actuaron os nenos e nenas de Educación Infantil de 4 anos, que nos falaron da obra de Picasso "Os saltimbanquis" e, por último, disfrutamos dunha obriña de teatro, presentada polo alumnado de 2º de primaria,que se titulaba "A ledicia dos animais".

2010-04-20T21:26:00.011+02:00

SEMANA DA LECTURA
MARTES, 20 DE ABRIL

Hoxe, martes, actuaron na Semana da lectura os alumnos de Ed. Infantil de 3 anos, presentando unha lectura, titulada Mago A e Mago B. Tamén puidemos oír un conto proxectado dos nenos e nenas de 3º de Primaria do autor arxentino Jorge Bucay:O elefante encadeado e, por último, disfrutamos dunha sesión de circo, con malabaristas incluídos, a cargo de Salcedus Circus, dos alumnos de 4º de primaria.

2010-04-19T21:23:00.006+02:00

SEMANA DA LECTURA.
LUNS, 19 DE ABRIL

Apertura da VI edición da Semana da Lectura coa animación de Mario Tomás, que presenta o seu espectáculo de animación, titulado Marionetto. Foi moi divertido. Escoitamos tres contos fantásticos e tamén nos gustaron moito as súas marionetas.

2010-04-13T21:44:00.018+02:00

EXPOSICIÓN PARA QUE LES?

A exposición "Para que les?" é unha idea tomada do blog da ONG "Implicadas no desenvolvemento".

Co motivo da celebración durante o mes de abril da festa do libro e da lectura, máis de cen Bibliotecas Escolares de Galicia adaptaron esta exposición para facernos reflexionar sobre os diversos motivos que moitos personaxes coñecidos e "non tan coñecidos" teñen para ler.

Invitámosvos a que vos acerquedes ao centro a visitala e a poder ver ademais as respostas que os alumnos e mestres do colexio aportaron para complementar esta iniciativa.

Aproveitamos para agradecer dende aquí ás nosas compañeiras Loli Lago (Fene), Olga (Malpica) e Charo (Pontevedra), que realizaron o traballo de recompilación e montaxe dos materiais dixitais empregados neste traballo.

2010-04-13T21:43:00.007+02:00

VI SEMANA DA LECTURA

Aquí vos deixamos a programación da IV Semana da Lectura, que comeza o luns, 19 de abril e que esperamos compartir con todas as familias do noso alumnado.

Se queres consultala, preme na imaxe da esquerda.

2010-04-09T21:18:00.032+02:00

1º PREMIO DA FEDERACIÓN DE LIBREIROS DE GALICIA!!!

O noso proxecto de Biblioteca foi premiado pola Federación de Libreiros!

O sábado 10 de abril celebrouse a entrega da XIX edición Premios Irmandade do Libro, organizada pola Federación de Libreiros de Galicia, en Sarria (Lugo).

Na modalidade de centros de ensino, o CEIP San Martiño foi galardoado co 1º Premio, polas actividades levadas a cabo en torno á dinamización lectora, que dende os proxectos de Biblioteca vimos desenvolvendo cada ano.

Alí estivo o Equipo Directivo do centro, recollendo o premio, de mans do Conselleiro de Educación, Xesús Vázquez, en nome de todos os que formamos a comunidade educativa e que día a día contribuímos a levar adiante o traballo de sementar no alumnado o gusto pola lectura e o saber. Grazas especiais dende aquí aos profesores e profesoras do centro polo seus esforzos e constancia diarios. Eles son os "motores" que poñen en marcha todas as nosas ideas lectoras.

Queremos compartir este premio con todas as Bibliotecas Escolares de Galicia, ás cales nos sentimos unidos polos mesmos ideais: conseguir acercar o mundo dos libros e da lectura aos nosos alumnos e alumnas. Grazas a todas elas por compartir co resto da comunidade de "Bibes Galegas" os seus ánimos, esforzos, ideas, recursos... de xeito tan xeneroso.

Que este premio sexa o premio de todos os centros de ensino que están a promocionar dende as súas Bibliotecas o fomento da lectura e o amor polos libros!

2010-03-27T22:40:00.006+01:00

E FOMOS A SANTIAGO EN TREN!

O xoves, día 25, os alumnos de 2º ciclo participaron na actividade TREN CAIXANOVA que este ano tiña como obxectivos, aparte de que puidesen realizar unha pequena viaxe en tren, coñecer na cidade de Santiago a colección de pintura adicada a Laxeiro da Fundación Caixanova e tamén visitar unha exposición fotográfica sobre o Pórtico da Gloria da Catedral de Santiago. Aquí deixamos, coma sempre, este recordo fotográfico para que vexades o moito que disfrutaron.

2010-03-20T17:14:00.019+01:00

21 DE MARZO: DÍA DA POESÍA

A poesía chega coa entrada da primavera e así do mesmo xeito que xorde a vida na natureza, así xorde o sentimento a través dela.
Porque en verdade, a poesía inventouse para expresar os sentimentos, para imaxinar, para soñar, cantar ao amor...

Para que máis cousas serve a poesía?

(Clica na pregunta e atoparás moitas respostas...)

No colexio quixemos adicarlle varios días á poesía, por iso ao longo de toda a semana estivemos lendo poemas na Hora de Ler e hoxe, luns, despois do recreo, fixemos un mural precioso cos poemas que todos elixiron e ilustraron para formar esta árbore "poética" en homenaxe ao Día Mundial da Poesía.

2010-03-11T13:57:00.006+01:00

A VISITA DE ANXO FARIÑA

Hoxe, 11 de marzo, o escritor e ilustrador Anxo Fariña visitou aos alumnos e alumnas do 2º ciclo de Primaria. Foi unha visita moi especial!!! Nós xa coñeciamos os seus libros dende Infantil. O ano pasado lemos "A monstroescola" e gustounos moitísimo. Este curso pedímoslle á profe ler na Hora da Lectura "Os Megatoxos e o aprendiz de Druída": ENCANTOUNOS!! Está cheo de aventuras emocionantes, acción. moito misterio e ademais os personaxes teñen superpoderes.

Aproveitamos a visita de Anxo Fariña para facerlle unha entrevista a fondo. Anxo amosounos as libretas nas que facía os debuxos, que ilustrarían as súas historias. Cando tiña unha idea, apuntábaa inmediatamente na "libretiña", antes de que se esquecese dela.

Descubriunos cousas moi interesantes sobre os seus libros: comezou a debuxar cando tiña un ano e medio, coma todos os nenos. Díxonos que o libro "A Monstroescola" estaba inspirado na casa dun tío seu, que antigamente fora unha escola. Situou "Os Megatoxos e o aprendiz de Druída" no poboado celta de Baroña, porque visitouno un día e gustáralle moito ese lugar.Tamén nos dixo que o seu personaxe favorito dos Megatoxos é Ruxe, porque en cada un dos tres libros vai cambiando de forma e moitísimas cousas máis.

Deixounos de agasallo os retratos de Ruxe e o de Cacho Trabada. Debuxounos en dous minutos!!!

Ao final, asinounos a cada un o libro de "Os Megatoxos e o aprediz de Druída".

(Alumnos e alumnas de 4º de Educación Primaria)

2010-03-06T23:42:00.010+01:00

8 DE MARZO: DÍA INTERNACIONAL DA MULLER

No 8 de Marzo, Día Internacional da Muller, o CEIP San Martiño quere facer unha pequena homenaxe ás 146 mulleres traballadoras da fábrica textil Cotton de Nueva York que, aquel fatídico 8 de marzo de 1908, morreron calcinadas nun incendio provocado polas bombas incendiarias que lles lanzaron ante a negativa de abandonar o encerro no que protestaban polos baixos salarios e as infames condicións de traballo que padecían.

Dende entón ata hoxe as mulleres de todo o mundo loitan por conseguir que os seus dereitos no traballo e na vida sexan recoñecidos e respectados.

Con este vídeo queremos poñer un punto de reflexión neste día acerca da importancia que toda sociedade debe dar á igualdade entre todos e todas para conseguir un mundo máis xusto e equitativo.

2010-02-12T21:16:00.004+01:00

UN ENTROIDO DE CIRCO

Acabamos de celebrar, hoxe venres UN ENTROIDO DE CIRCO, desta maneira damos comezo ao segundo proxecto do ano que irá dedicado a este tema.

Foi unha experiencia estupenda para tod@s; divertímonos moito e ademais tamén aprendemos unha chea de cousas.

Dividimos a todo o alumnado en sete colores e cada un foi asignado a un taller, ao cabo de vinte minutos tocaba o timbre e faciamos un cambio, de maneira que ao longo da xornada, pasaron os sete grupos por todos os talleres.

As actividades foron moi variadas e tivemos taller de malabares, taller de informática con xogos online, taller de información na Biblioteca, taller de Plástica, no que se elaborou un gran mural, taller de maquillaxe, taller de corte e confección e taller de música e baile.

Ao final, houbo que pasar unha dura proba escrita para facerse co Diploma circense, que nos acreditou a tod@s como capaces de facer as máis grandes pallasadas!

Queda aquí, coma sempre esta reportaxe gráfica para que vexades o ben que o pasamos!

2010-02-10T09:57:00.006+01:00

UN ENTROIDO DE CIRCO

Este ano o noso Entroido temático tráenos ao circo para que o pasemos estupendamente e que aprendamos moitas cousas sobre este espectáculo.

Nunha das actividade que imos a facer ao longo da mañá será xogar ao circo con xogos online.

Se queredes saber como van a ser pincha na imaxe: