O ALUMNADO DE 6º DE EDUCACIÓN PRIMARIA VISITA O IES TORRENTE BALLESTER

 VISITA AO IES TORRENTE BALLESTER

A transición entre as distintas etapas educativas debe ser un proceso, non un cambio. Nesta transición, o alumnado experimenta medos, dúbidas, desorientación… Así, para que esta adaptación á nova situación se desenvolva de forma positiva, é necesaria unha colaboración, coordinación e comunicación dos centros de Educación Primaira cos Institutos do municipio, sendo primordial o apoio e implicación das familias. 

Para afrontar estes cambios, o alumnado de 6º de Educación Primaria, fixo unha visita ao IES Torrente Ballester. Queremos contarvos esta experiencia! 

Ao entrar no IES, recibiunos o director, David Castro, e acompañounos á primeira aula que íamos visitar, a aula de música. 

Aquí, puidemos tocar varios instrumentos de percusión e o piano. O alumnado do IES sorprendeunos cunha sinxela melodía, onde posteriormente algún alumno e alumna do centro animouse a participar. 

Neste vídeo podedes escoitar un anaco da canción:

Continuamos coa visita aos laboratorios de física e química e a aula de tecnoloxía, onde puidemos ver os proxectos que realiza o alumnado dos diferentes cursos do instituto, incluso probamos o ben que funcionaban!

Despois, na aula de informática o director comentounos que o alumnado de 1°da ESO non a ía usar moito, xa que están no programa Edixgal e cada alumno e alumna ten o seu propio ordenador portátil. 

Visitamos unha das aulas de 1° da ESO, o alumnado estaba na clase de matemáticas. Tamén coñecemos o pavillón polideportivo e o salón de actos, onde atendemos ás explicacións do director e respondeu ás cuestións que inquietaban aos alumnos e alumnas sobre o funcionamento do centro.

Finalizamos esta interesante e necesaria visita na biblioteca, onde a xefa de estudos fixo unha presentación polo miúdo sobre os estudos que se imparten no instituto, incidindo nos primeiros cursos da ESO.
Queremos dar as grazas ao Instituto por un agasallo que nos fixo moita ilusión! Un conto de María Victoria Moreno, ilustrado polo alumnado do IES, para cada alumno e alumna e tamén para a biblioteca do cole! 

Antes de marchar, sacamos unha foto de grupo no exterior do centro e visitamos o patio cuberto, onde nos refuxiaremos os días de choiva.

Para ver máis fotografías, fadede click aquí.

Desde o Ceip San Martiño, queremos garantir un bo proceso de transición entre estas etapas, polo que, mantemos a comunicación entre o profesorado do centro e dos institutos. A coordinación entre ambos centros é un aspecto clave para que o noso alumnado supere con éxito a incorporación a esta nova etapa.

Coma sempre, quedamos á disposición das familias para calquera dúbida.

PLAN DIRECTOR NO CEIP SAN MARTIÑO

Este venres 25 de xaneiro, o alumnado de 5º e 6º curso de Educación Primaria participou no Plan Director impartido pola Policía Nacional. 

Este Plan, impulsado desde Delegación do Goberno en Galicia e a Alta Inspección de Educación, ofrece aos centros a posibilidade de solicitar charlas informativas sobre temáticas como o acoso escolar, violencia de xénero, novas tecnoloxías, etc. 

Desta maneira, ponse de manifesto o compromiso da Consellería e dos centros coa construción dunha sociedade tolerante e democrática.

Por este motivo, recibimos a visita dun dos policías que imparten as charlas deste Plan. O tema en concreto foi o Acoso Escolar, mais coñecido como Bullying. 

En primeiro lugar, Roberto (un dos policías) explicoulle ao alumnado, a través dunha presentación en Power Point, ideas precisas sobre o tema, dando pistas claras para que os nenos e nenas puideran identificar este tipo de situacións. O alumnado involucrouse e interactuou con Roberto, xurdindo o longo da charla multitude de cuestións que foi resolvendo puntualmente. Tamén lles falou do ciberacoso e das redes sociais. 

Para rematar, ensinoulles un vídeo dunha situación real de acoso nun centro educativo que serviu de exemplo de toda a charla. Posteriormente, xerouse un interesante debate onde todo o alumnado participou de maneira activa e interesada. 

Se queredes ver máis fotografías, pinchade aquí. 

Ademais, repartiron un tríptico a cada neno e nena con diferente información que aquí vos ensinamos.

Dende o CEIP San Martiño, queremos agradecer a implicación á Policía Nacional para dar a coñecer esta problemática actual. 

VISITA DIDÁCTICA ÁS INSTALACIÓNS DO PARQUE DE BOMBEIROS.

O xoves 10 de xaneiro o alumnado de 1º e 2º curso de educación primaria acudiu ao Parque de Bombeiros de Pontevedra. Nesta visita didáctica os bombeiros explicáronlles en que consiste o seu traballo, cales son as funcións deste corpo, os equipos que utilizan e como reaccionar en caso de emerxencia.

Os escolares recibiron consellos básicos que logo poderán transmitir aos seus familiares e compañeiros: a formación sobre prevención desde unha idade temperá é moi importante. 

Querémosvos contar a divertida experiencia que viviron estes rapaces e rapazas!

Comezaron falando da indumentaria que teñen que levar os bombeiros (traxe, accesorios...), fixeron representacións das formas de actuar para rescates en incendios, no mar, en accidentes... e amosáronlles os distintos accesorios do camión de bombeiros.

Despois, ensináronlles a manexar a mangueira a cada neno e nena, con auga e todo! Tamén aprenderon a poñer o casco e, por último, subiron ao camión en pequenos grupos para ver o interior e facer un simulacro con sirena e arranque do camión. A cada grupo fixéronlle crer que tiñan unha chamada real! 

Máis adiante visitaron as instalacións: ximnasio, cociña, sala e demais estancias e, para rematar,  os bombeiros fixeron unha demostración con espuma. 
Podedes ver todas as fotografías facendo click aquí. 

  

Gustaríanos agradecer a todo o persoal do Parque de Bombeiros de Pontevedra o trato e dedicación que nos brindaron nesta xornada tan especial para os nenos e nenas do CEIP San Martiño, transmitindo ao alumnado unha visión moi real da súa profesión.

Sen lugar a dúbidas, unha gran experiencia!

F E L I C E S    F E S T A S !!! 

Con este mural colectivo, que fixemos entre todas as familias do CEIP San Martiño, queremos desexarlles Felices Festas, cheas de alegría, paz e moita armonía.

Nos días previos, realizamos moitas actividades para celebrar as Festas. Decoramos a nosa entrada, corredores e clases. Temos un precioso Belén que vos queremos ensinar!

Podedes ver todas as fotos pinchando aquí.

Nos últimos días nas aulas aproveitamos para facer manualidades, talleres de cociña do Nadal, merendas...
O alumnado de 6º de Educación Infantil elaborou "Magdalenas con corazón de amorodos e chocolate branco" e "Galletas mariñeiras, queso, cenoria e perexil.

Tamén tivemos unha visita moi especial: a visita de Papá Noel! Moitas grazas á ANPA do Centro por traelo ata aquí... Queremos compartir con vós as cariñas que se lles quedaron ós pequenos con este vídeo:

Facendo clic aquí podedes ver toda a reportaxe fotográfica.

O venres, 21 de decembro, celebramos o noso FESTIVAL DE NADAL no salón de actos decorado cun mural no que colaborou cada alumno coa súa árbore de Nadal. Foi un acto moi bonito no que se combinaron cancións,  bailes, risas e diversión.  

O alumnado de Educacion Infantil cantou unha panxoliña que se titula "Todos xuntos imos a Belén".

Os nenos e nenas de 1° e 2° de Educación Primaria cantaron "Que levas pastor no teu vello zurrón?" 

Os alumnos e alumnas de 3° e 4° quixeron arrolar ao neno cunha poesía de Celso Emilio Ferreiro musicada por Suso Vaamonde que se titula "Baixo os tellados da noite".

O alumnado de 5° de Educación Primaria interpretaron coa frauta un canon a dúas voces.

O alumnado de 6° de Primaria interpretou coa frauta e con acompañamento dos xilófonos o "Jingle Bells".

Rematamos o noso festival cantando todos xuntos unha panxoliña que aprendeu todo o alumnado. 

Quedamos abraiados co traballo destes nenos e nenas. Pero non foi casualidade! Houbo moito esforzo, practicando moitas horas coa mestra de música e relixión.  
Así, foi unha boa oportunidade para poñer en práctica a nosa competencia lingüística dunha maneira moi divertida para o alumnado.
Por todo iso queremos que vexades o resultado! Esperamos que vos guste!

Poden ver o vídeo do FESTIVAL DE NADAL  pinchando no seguinte enlace. 

Con estas actuacións do alumnado... todas as personas que traballamos no colexio desexámosvos un Bo Nadal e unhas Felices Festas. 

Que o esforzo e a ilusión compartida sexan o propósito do noso día a día. 

Para ver todas as fotografías e algúns vídeos do festival, pinchade aquí. 

VISITAMOS O MUSEO DE PONTEVEDRA!

Visitar museos resulta realmente importante, xa que a través de estas interaccións estase en contacto coas distintas culturas que existen, a historia de cada recuncho do mundo e tamén dan a  posibilidade de comunicarnos a través das manifestacións artísticas.  

Por todo isto, fixemos distintas visitas ao Museo de Pontevedra  con  propostas didácticas que vos imos amosar a continuación! 

Os nenos e nenas de 6º de Educación Infantil realizamos o xoves 13 de decembro a actividade chamada “pensARTE”, onde fixemos unha serie de tarefas a partir da observación directa dunha selección de obras de arte contemporánea.

Algúns dos aspectos que traballamos foron: a expresión das emocións a través das cores, as formas xeométricas, o espazo, o desenvolvemento da imaxinación ou as diferentes técnicas empregadas nas diferentes obras (como cadros pintados con area, cordas...).

Comezamos a nosa visita escoitando música cos ellos pechados. O guía preguntounos que nos suxería esa música e a relacionamos cos diferentes cadros de Arturo Souto Feijoo expostos no museo, como "Máscaras africanas" ou "Composición".

Tivemos que adiviñar instrumentos que aparecían nos cadros a través da música e aprendemos a apreciar as distintas maneiras en que os artistas perciben o mundo! Vimos o cadro "Acordeón I" de Luis Caruncho Amat a través ducha fechadura!

Coñecemos diversas obras de Leopoldo Nóvoa García (artista galego de maior proxección da súa xeración), como o óleo sobre lienzo que ofrece a singularidade de estar pintado polas dúas caras. "Vendedor ambulante en Buenos Aires" e "Paisaxe mariñeiro" son as escenas que en elas se representan".

O guía propúxonos un reto: facer un quebracabezas coa escena "Paisaxe mariñeira"!

Pinchando aquí podedes visualizar todas as fotografías.

Finalizamos a visita recreando a nosa propia obra de arte a partir dun cadro de Luis Caruncho Amat titulado "Azul sobre azul nº27". 

Sen dúbida foi unha visita emocionante! Seguiremos traballando na aula con algúns dos cadros vistos durante a mesma!

No caso do alumnado de 3º e 4º de Educación Primaria a actividade a realizar foi unha visita dinamizada "O retrato no século XIX ". A través deste xénero pictórico, en contínua revisión da arte, e coa axuda dun caderno didáctico, descubrimos...Que é un retrato? Quen os encargaba? Por que? Quen os facía? Como?...



A continuación deixámosvos a experiencia contada polos nenos e nenas de 4º de Educación Primaria:

VISITA AO MUSEO DE PONTEVEDRA ,  UNHA VIAXE POLO RETRATO DO 

SÉCULO XIX

O xoves, 13 de setembro, o alumnado de 3º e 4º visitamos o VI Edificio do Museo de Pontevedra, alí  aprendemos moitas cousas sobre os retratos e os autorretratos e a súa diferenza.

Explicáronnos que os cadros sempre teñen unha cartela ao lado onde pon  a información importante: nome do pintor, datas do seu nacemento e a súa morte, nome da pintura,  ano no que se pintou, o soporte e  a técnica.

Tamén nos explicaron que podemos saber os sentimentos que nos quere expresar o autor a través da mirada, e que os retratos  valen máis cando aparecen  as orellas,  as mans ou se son de corpo enteiro.  Algúns cadros séguennos coa mirada, é coma se fora algún truco de maxia.

Ao final o guía explicounos que Concepción Arenal foi a primeira feminista universitaria e que, para ir á Universidade, tiña que vestirse coma un home.

Aquí vos contamos algunhas das impresións que nos levamos desta visita tan interesante:

Sara: a min gustoume o retrato de Mª Carmen Cimadevila del Río. Ía vestida cun vestido largo dunha cor celeste tirando para verde. Pintouse nun lenzo con óleo, o seu autor é Mariano Tito Vázquez.

Noa: gustoume porque me recordaba a min de pequena.

Mauro e Iago: o  que máis nos gustou foi un do pintor Benigno López Sanmartín. É un retrato de D. José Riestra. A técnica que usou foi óleo sobre lenzo e foi pintado no ano 1899. Gustounos porque tiña pinta de ser un home importante.

Mariño e Mateo:  o noso cadro preferido chámase Retrato de Cabaleiro, é de 1893 e gustounos porque era moi realista, tanto que superaba ás fotos da época.

Para ver a nose reportaxe fotográfica pinchade aquí. 

                                   

O alumnado de 1º e 2º non quixeron perder a oportundiade de visitar tamén o noso museo; a actividade seleccionada foi  “Que é un Museo?".

O martes 18 de decembro descubriron o que é un museo dunha forma sinxela e atractiva: os seus traballadores, un lugar onde se conserva, se expón, se investiga...

Durante o percorrido que fixeron polo museo,  viron distintas coleccións: tesouro de Caldas de Reis, Sepulcro de Suero, mobles antigos, paisaxes, miniaturas, escultura Lázaro, retrato nena con xoguetes e louza de Sargadelos.

Se queredes ver outras fotografías deste día pinchade aquí. 

Non podía faltar o alumnado de 5º e 6º de primaria, que elixiu a proposta didáctica “Seguindo as pegadas”.

Como complemento aos contidos das diferentes materias impartidas no centro, así como de vehículo para o desenvolvemento da sensibilidade, do goce estético e da adquisición de valores culturais e sociais,  o alumnado  acudiu ao Museo de Pontevedra para realizar a seguinte visita dinamizada, chamada  “Seguindo as pegadas”. 

O alumnado percorreu o Museo cunha ficha que lles permitiu coñecer, a partir dos restos arqueolóxicos, algúns dos aspectos máis relevantes do noso pasado, tales como: ferramentas líticas máis antigas de Galicia, petróglifos, importantes pezas de ourivería ou obxectos de uso doméstico ou monumentos epigráficos romanos.

DESCUBRINDO A NOSA CONTORNA: XORNADAS MICOLÓXICAS E SAÍDA PARA COÑECER O PATRIMONIO DE SALCEDO

XORNADAS MICOLÓXICAS (Relato dunha nena de 6º de E.P.)

"Experiencia con setas"

Hola, soy una alumna de sexto de primaria que os va a contar una hermosa experiencia que viví al lado de mi clase y de la de cuarto. El día 7 de noviembre, miércoles de la semana pasada, la maestra nos anunció que el 14 íbamos a ir al monte a recoger setas, para hacer una hermosa exposición y aprender un poco sobre las setas. Yo me entusiasmé. ¡Qué divertido! ¡Una fantástica excursión para recoger setas y explorar el bosque!

El catorce me vestí, me preparé, desayuné, me cepillé los dientes y, por el camino a la escuela, no paré de pensar en la excursión. Cuando llegué, me senté en la biblioteca entre mis compañeros. Jaime, el monitor, nos empezó a explicar varias cosas. Duró una hora, bueno, quince segundos más.

Repartimos las cestas de mimbre y nos pusimos en grupos.

Se queredes ver todas as fotos facede click aquí

Yo fui con los compañeros de mi mesa: Gloria, Gabriel y Zhouzijun. Cogí la cesta y en cuanto llegamos al bosque, enseguida empecé a buscar, a apartar, a mirar por donde iba, a correr y a pasármelo bomba.
La verdad que todo fue como prometía. La profe Placer nos acompañó y después de recoger setas por el monte de Salcedo tuvimos un tiempo para jugar y disfrutar porque a la vuelta al cole teníamos que organizar la exposición para enseñar a nuestros compañeros todo lo que  habíamos aprendido.

SAÍDA DO ALUMNADO DE 1º, 2º e 3º de E.P.

Visita aos muíños do Batán e ao Castro das Croas

Este martes 4 de decembro os nenos e nenas de 1º, 2º e 3º fixemos unha saída moi interesante para coñecer a nosa contorna.

Damián e María foron os nosos guías e os que nos ensinaron moitas cousas interesantes sobre Salcedo.

Visitamos os muíños do río Batán e incluso vimos como moía o millo.

Ramón, un avó de Salcedo,  ensinounos como aproveitaban a forza da auga do río para facer a fariña coa que despois elaboraban o pan ou alimentaban aos animais.

Aínda nos quedaba por saber algo da historia de Salcedo e Damián e María leváronnos a coñecer os restos do Castro das Croas e incluso nos subimos á Pedra da Moura. Agora sabemos algo máis das lendas e historias do lugar onde vivimos.

Aprendimos e descubrimos os tesouros que a nosa natureza pode agochar: píntegas, salgueiros, acibros, cogomelos...

Esta sorprendente saída rematou cun feito inesperado: vimos como nacía unha mosca dun coco dun carballo!!

Se queredes ver toda a reportaxe fotográfica facede click en SALCEDO.

Magosto 2018/2019

O pasado xoves 15 de novembro celebramos o Magosto no noso colexio. 

Como vén sendo habitual comemos castañas e disfrutamos cos xogos no patio organizados polo alumnado de sexto: dende lanzar castañas  ata xogar ao pano... 

Pasámolo xenial! 

Rematamos comendo unhas castañas ben asadiñas!

Se queredes ver toda a reportaxe fotográfica pinchade na seguinte ligazón: MAGOSTO

Xa chega o Samaín !

SAMAÍN:

É tempo de medo,
bruxas e morcegos.
É tempo de medo…
chega o Samaín.

É tempo de medo,

bruxas e morcegos
saen a asustar
e rematan por bailar!

Pois si, xa chega o Samaín! Con esta cantiga os nenos e nenas de infantil darán a benvida ó Samaín o próximo martes 31 de outubro. 

E para bailar igual que as bruxas e morcegos desta cantiga, os rapaces e rapazas de Primaria cantarán as seguintes cancións. Aquí vos quedan por se queredes ir aprendéndoas…

A bruxa Maruxa (María Fumaça) (1º e 2º de Primaria)

Ollo de vidro (A Gramola Gominola) (3º e 4º de Primaria)

No Samaín (Brinca Vai!) (5º e 6º de Primaria)

"ATOPÁBAME EU NA ERMIDA DE SAN SIMÓN

E RODEÁRONME AS ONDAS, QUE GRANDES SON..."

Así comezaba a cantiga de Mendiño hai xa varios séculos...

Nós estivemos este fin de curso na Illa do famoso trovador galego e puidemos disfrutar dun día maravilloso en contacto coa natureza, vendo os lugares tan especiais que garda este lugar con tanta  historia.

Ademais tamén houbo a oportunidade de coñecer os vestixios do pasado que no museo de Meirande nos amosaron..

Foi unha excursión única! 

E non vos esquezades que ademais puidemos ir en barco: experiencia vivida por primeira vez por moitos dos nosos alumnos e alumnas....

Aquí deixamos esta reportaxe para o recordo...

Para acceder ás fotos, pinchade aquí: EXCURSIÓN 

XIII SEMANA DA LECTURA: OS DEPORTES

Un ano máis estamos a celebrar a Semana da Lectura, dedicada aos Xogos Olímpicos e aos deportes.

Estamos orgullosos de todos os traballos que se presentan, posto que son o resulatdo dun traballo de búsqueda e investigación, análise, resumo...dende un enfoque cooperativista, que dan como resultado as lecturas que estamos a escoitar.

(Pinchade na data para ver as reportaxes.)

LUNS, 24.

5º ED. INFANTIL: "O  Rugby".

2º DE PRIMARIA: " De Olimpia ás Ilimpiadas".

 MARTES, 25

6º ED. INFANTIL: "Somos deportistas".

Exhibibición de acrosport dun grupo de 5º de Primaria ( fóra de programa).

 

MÉRCORES, 26

4º DE ED. INFANTIL: "Infantil Olímpico".

4º DE ED. PRIMARIA: "Mulleres pioneiras no deporte mundial".

 XOVES,  27
1º DE ED. PRIMARIA: "Historia dos xogos olímpicos".
5º DE ED. PRIMARIA: "Acrosport e demostración".

 VENRES, 28

3º DE ED PRIMARIA: "As paralimpiadas".

6º DE ED. PRIMARIA: "Deportes de loita".