Blog da Biblioteca do CEIP San Martiño

Salcedo-Pontevedra
____________________________________________________________________________________________________________________________________

venres, 30 de abril de 2021

A Pontevedra das Letras. 6º de Educación Primaria

E para poñer punto e final a esta XVI Semana da Lectura deixámosvos co estreo de:

 A Pontevedra das Letras

A Pontevedra das Letras é unha obra de teatro creada polo alumnado de 6º de Educación Primaria na que catro turistas, acompañadas dun guía, visitan distintas rúas de Pontevedra que levan o nome dalgunha persoa á que se lle dedicaron as Letras Galegas.


As fontes de Pontevedra. 1º de Educación Primaria

 As fontes de Pontevedra



luns, 26 de abril de 2021

As pontes de Pontevedra. 2º de Educación Primaria

Aquí podedes ver o fantástico traballo de investigación que realizou o alumnado de 2º de Educación Primaria sobre as pontes de Pontevedra!

Noraboa!

As pontes de Pontevedra

O mural das mulleres. 6° de Educación Infantil

Comezamos a XVI Semana da Lectura: A arte nas rúas de Pontevedra co alumnado de 6º de Educación Infantil e o seu traballo sobre o mural "Mulleres de Pontevedra na Historia".

Agardamos que vos guste. ♥️




venres, 23 de abril de 2021

XVI Semana da Lectura: A arte nas rúas de Pontevedra



A próxima semana festexaremos a nosa XVI Semana da Lectura que leva por título A arte nas rúas de Pontevedra.
A tradición é a de convidar ás familias para ver o traballo realizado polo alumnado do centro; mais, como sabedes, neste ano académico tan especial, a forma de facelo só poderá ser virtual.
Iremos publicando o que fixo cada grupo seguindo o almanaque da imaxe.

venres, 16 de abril de 2021

De ponte en ponte pola Boa Vila. 2º de Educación Primaria

O venres 16 de abril o alumnado de 2° saíu acompañado dos seus profes para ver as Pontes da cidade dentro do proxecto A arte nas rúas de Pontevedra. Demos un paseo e atravesamos a Ponte do Burgo, a de Santiago e a das Correntes. Tamén puidemos ver, ao lonxe, a dos Tirantes e a da Barca. A Ponte da Ría vímola dende o bus. Finalmente, merendamos nas Marismas de Alba. Encantounos a saída. Que ganas tiñamos xa!!!



Visitando o mural das mulleres. 6º de Educación Infantil

Hoxe o alumnado de 6° de Educación Infantil foi visitar o mural das mulleres no Parque de Amelia Álvarez para poder profundizar máis sobre o proxecto no que están a traballar da arte nas rúas de Pontevedra da XVI Semana da Lectura. Velaquí algunhas imaxes.