Blog da Biblioteca do CEIP San Martiño

Salcedo-Pontevedra
____________________________________________________________________________________________________________________________________

mércores, 25 de novembro de 2020

25 N

25N: Día Internacional da Eliminación da Violencia contra a Muller


venres, 13 de novembro de 2020

Entrega de premios-CONCURSO SAMAÍN

Debuxo de medo
Categoría Educación Infantil
Debuxo de medo
Categoría Educación Primaria

Historias de terror
Categoría de Educación Primaria

xoves, 12 de novembro de 2020

O xogo da miñoca 2° EP

Hoxe, día 12 de novembro, viñeron ensinarnos a compostar co "xogo da miñoca".
Xa só nos queda poñelo en práctica!

O xogo da miñoca 1° EP

As nenas e os nenos de 1º Primaria participaron o mércores, 11 de novembro no Programa educativo Revitaliza "Apúntate á compostaxe" organizado pola Deputación de Pontevedra. Os principais obxectivos deste plan son: concienciar á comunidade educativa da problemática dos residuos e informar da importancia da compostaxe como mellor alternativa, ao ser máis económica e ecolóxica que os tratamentos actuais.

Para achegar ao alumnado aos conceptos básicos da compostaxe e da importancia da recollida selectiva do lixo, dun xeito lúdico e ameno, a monitora empregou o xogo cooperativo: “O XOGO DA MIÑOCA” (unha adaptación do xogo da oca). Repartidos en catro grupos tiraban o dado e avanzaban ou retrocedían nas caselas do taboleiro. Para poder avanzar, nalgunhas ocasións tiñan que responder preguntas ou superar probas relacionadas coa compostaxe (qué tipo de restos se podían botar no composteiro e cales non). Divertíronse moito e tamén aprenderon a necesidade de botar os residuos orgánicos das súas casas no composteiro.


martes, 10 de novembro de 2020

Ciencia Divertida

Grazas a Ciencia Divertida o alumnado de 6º de Educación Primaria puido realizar, na última hora da mañá, varios experimentos nos que as reaccións químicas foron as protagonistas.




 

Observatorio Astronómico de Forcarei

Dous científicos do OAF, Observatorio astronómico de Forcarei, viñeron ao colexio para ensinar aos nenos/as de 5° de Educación Primaria como crear un Planisferio celeste e a utilizalo para poder observar as distintas constelacións que reinan no noso ceo nas diferentes épocas do ano.

A través de pequenas proxeccións aprenderon moito sobre o tema e despois sobre a orixe da vida na terra.
 

Charla sobre o Parque Nacional Marítimo-Terrestre das Illas Atlánticas

A primeira hora desta mañá estiveron con nós Ana e Mónica para falarnos sobre os ecosistemas e as riquezas ecolóxicas que contén o Parque Nacional Marítimo-Terrestre das Illas Atlánticas.

Velaquí algunhas imaxes do alumnado de 6º de Educación Primaria durante a charla.

xoves, 5 de novembro de 2020

SAÍDA AO MERCADO-3°

O mércores, 4 de novembro, os nenos e as nenas de 3º fomos ao Mercado de Pontevedra. Divididos en pequenos grupos, con cadansúa monitora, fixemos un percorrido por alí.  
Puidemos ver postos de peixe e falar cos vendedores que, amablemente, nos contaron cousas sobre o peixe e o marisco que vendían. Tamén nós coñeciamos e xa probaramos moitos peixes distintos.
Ademais, había tamén postos de carne. Os vendedores deixáronnos facerlles un montón de preguntas e ensináronnos cousas como a lingua do porco, que nos chamou moito a atención.
Logo fomos ao espazo gastronómico, onde había postos moi variados e unhas mesas para comer alí
mesmo, mirando á ría. Algúns pensamos volver coas nosas familias e comer alí.
A visita foi moi interesante, aprendemos moito e ata nos deu tempo a facer un pequeno concurso para ver quen estivera máis atento. Temos que agradecer ás monitoras o seu traballo e aos vendedores dos postos o amables que foron con nós.

martes, 3 de novembro de 2020

Obradoiro de xoguetoloxía

Esta semana, o alumnado de 6° de Educación Primaria, tivemos a visita de Chus que nos veu impartir un obradoiro titulado Xoguetoloxía. Con ela aprendimos diferentes xogos (populares, tradicionais, musicais, lingüísticos...) que amosan a riqueza e a variedade do patrimonio lúdico galego.

Nós sabemos xogar sen ter nada nos petos nin nas mans.

martes, 28 de abril de 2020

https://www.edu.xunta.gal/centros/ceipsanmartino/aulavirtual2/mod/page/view.php?id=2857
Ola nenos e nenas
Por se non vos lembrabades, estamos de festa! Si, é o meu aniversario. O Día Internacional do Libro, e quero celebralo con tod@s vós.

Como calquera boa festa de aniversario que se preste, ten que haber xogos e divertimento a esgalla, por iso decidimos preparar un fabuloso Recuncho de xogos. Algúns deles están feitos polas profes do colexio e outros témosllos que agradecer a bibliotecas amigas.

Ademais, tendo en conta que esta vai ser a primeira vez que non poidamos celebrar o Día Internacional do Libro no colexio, querería que fixerades para min unha pequena actividade que ma podedes achegar por correo electrónico. Recollerei todos os vosos envíos ata final de mes na dirección:
Biblio.ceip.sanmartinho@gmail.com

Se queredes participar, podedes consultar as miñas propostas, pinchando na imaxe.

xoves, 26 de marzo de 2020

#QUÉDATENACASA

A terrible pandemia do COVID-19 obríganos a este confinamento nas nosas casas: temos que estar na casa por lei e ademais  debemos estar na casa por responsabilidade e por civismo. Pensemos que a única maneira de parar a pandemia é co illamento social.
 
Pero esta circunstancia leva ás familias a sufrir situacións de estrés ao non poder movernos e realizar as tarefas e rutinas diarias, sobre todo cando na casa hai nenos e nenas…

Dende o centro estamos a facer todo o posible para facer chegar ás familias todos aqueles recursos que podemos poñer á súa disposición, para que o noso alumnado poida seguir traballando desde os fogares.

Tamén somos conscientes das dificultades que moitas familias teñen por falta de conexión, imposibilidade de acceder dende as súas ubicacións á rede, esgotamento de datos móviles, etc…

Vivimos una situación de excepción e debemos manter a calma e pensar que o máis importante sempre é salvar  a vida e a dos nosos fillos/as.

Dende esta semana a TVE 2 e o canal CLAN ofrecen una programación educativa relacionada co currículo, APRENDEMOS EN CASA,  que pode resultar un bo recurso para paliar as dificultades destas familias de acceso aos contidos educativos.
Deixamos aquí a programación, por se están interesados en vela nas súas casas:


luns, 16 de marzo de 2020

PROPOSTAS DE ACTIVIDADES PARA TRABALLAR NA CASA...
Xa están subidas algunhas das actividades para traballar cos nenos/as durante este tempo excepcional de permanencia forzosa nas nosas casas...

Dentro da web oficial do Centro (https://www.edu.xunta.gal/centros/ceipsanmartino/), pinchade na pestana AULA VIRTUAL, que aparece na barra superior e ides atopar por cursos e especialidades propostas de traballo. 

Comezamos esta mañá a subir materiais. Aínda non están todos... Pedimos, teñades paciencia. As webs dos centros, o correo corporativo, etc non funcionan coma sempre e temos problemas técnicos para poder facérvolos chegar.

Moitas grazas pola vosa comprensión e non esquezades que agora o primordial é ser capaces entre todos/as de vencer a esta terrible pandemia...

                                                         Un saúdo moi afectuoso de todo o profesorado...

venres, 13 de marzo de 2020

Museo Científico

MUSEO CIENTÍFICO

Ao longo da mañá do xoves 12 de marzo veu ao cole o equipo de Ciencia Divertida para facer disfrutar ao noso alumnado de 5º e 6º de Educación Primaria dun Museo Científico, didáctico e interactivo onde a través da experimentación, da participación e sobre todo da diversión aprenderon moitos conceptos científicos.

Dende o por que da forma dun panal confeccionado polas abellas, a aprender algo máis das lei de Newton...os nos@s alumn@s de 5º e 6º puideron tomar contacto de forma activa co mundo da Bioloxía, da Física e da Ciencia en xeral, iso sí... neste día estaba PROHIBIDO NON TOCAR!!!!!

Charla FARO DA ESCOLA do biólogo Luis Sampedro Pérez

 CHARLA DO BIÓLOGO

Luis Sampedro Pérez

Hoxe veu a dar unha charla ao alumnado de 3º, 4º, 5º e 6º de Educación Primaria un biólogo e investigador do CSIC, Luis Sampedro Pérez.
Esta actividade está  relacionada co tema central do proxecto de investigación deste curso 
"Cambio climático" 
e en colaboración con Faro da escola, viu contarnos moitas cousas sobre A Antártida.

Este investigador que traballa en Salcedo, na Misión Biolóxica de Galicia, realizou varias 
expedicións científicas a Antártida e explicoulle ao alumnado a repercusión que o quecemento global está a ter nesta zona do mundo que concentra o 70 % da auga doce.   
Tamén lles falou aos rapaces e rapaces da riqueza e diversidade de vida da zona pese ao expolio ao que foi sometida durante anos e da importancia que ten que cada un deles sexa responsable co medioambente.


Se queres ver toda a reportaxe fai click aquí


xoves, 5 de marzo de 2020

ÓPERA GUILLERMO TELL

ÓPERA GUILLERMO TELL

O pasado mércores 4 de marzo o alumnado de 3º, 4º, 5º e 6º de Educación Primaria asistimos no Teatro Principal a unha adaptación da ópera de Rossini, Guillermo Tell.

Foi moi divertido e entretido. A través da música e do teatro o noso alumnado achegouse un pouco ao mundo da música clásica e por suposto, da ópera. Ademáis de coñecer e tomar contacto co mundo do "bel canto" o noso alumnado disfrutou dunha das obras máis importantes da música clásica.

Resultado de imagen de imagenes de opera guillermo tell en ferro

Teatro Migallas

TEATRO "MIGALLAS"

O pasado luns 3 de marzo visitou ao alumnado de Educación Infantil do noso centro o grupo teatral Migallas, actividade enmarcada dentro do Servizo de Dinamización da Lingua Galega do Concello de Pontevedra.

Mediante técnicas como a teatralización, dramatización e acompañamento musical conseguiron mergullar aos cativos e cativas no mundo dos contos con Daniela Pirata, Peixe Nadarín, Chivos chivóns, ou Polo Camiño.
Foi unha actividade motivadora e realmente enriquecedora que anima ao uso da nosa lingua na literatura dos pequenos e pequenas.

luns, 2 de marzo de 2020

Visita de ORBIL

Visita de ORBIL a mascota do 

SALÓN DO LIBRO INFANTIL E XUVENIL

O pasado venres 14 de febreiro tivemos unha visita moi especial no noso cole. Achegouse a vernos ORBIL, a mascota do Salón do Libro Infantil e Xuvenil de Pontevedra.
Coa súa visita lembramos que xa están moi preto as datas para visitar O Salón e nós contámoslle que xa estamos a piques de rematar os nosos traballos para a exposición, que nesta XXI edición ten como temática central"O HUMOR".

Teatro de 5º e 6º de Educación Infantil "O lobo e a lúa"

Teatro de 5º e 6º de Educación Infantil "O lobo e a lúa"

O pasado martes 18 de febreiro o alumnado de 5º e 6º de Educación Infantil acudiu ao Teatro Afundación para disfrutar da obra "O lobo e a lúa".

Foi unha peza teatral moi divertida, na que os personaxes convivían moi ben entre eles. Na obra, que sempre transcorre durante a noite, á luz da lúa, trátanse temas como a amizade e o amor así como a superación dos medos. 
Pasámolo xenial!!!!





A vivir que son 100 anos

A vivir que son 100 anos

O pasado xoves 27 e venres 28 de febreiro o alumnado de 4º e 5º de Educación Infantil e 3º, 4º, 5º e 6º de Educación Primaria visitaron unha exposición no Café Moderno que levaba por título "A vivir que son 100 anos".

A actividade tivo dúas partes diferenciadas: 
*A primeira parte foi unha visita á exposición do mesmo nome, deseñada pola Fundación Xeral CSIC na que se tratan temas como a lonxevidade, o envellecemento saudable, a vitalidade na madurez, etc. A visita abórdase dende un xogo de búsqueda de información por grupos.
Remataron a visita á exposición con xogos que invitaron aos nenos e nenas a descubrir os retos que pode supor a vida na madurez.

* A segunda parte foi un obradoiro onde os nenos e nenas xogaron a ser inventores/as do futuro e tiveron que imaxinar ferramentas, inventos, aplicacións , etc, en definitiva distintos proxectos, que axuden a cubrir as necesidades dos maiores e fagan a súa vida máis sinxela.



Se queredes ver a nosa reportaxe fotográfica facede click aquí

Día da Muller e da Nena na Ciencia

O alumnado de 5º e 6º de E.P. asistiu á conferencia que tivo lugar o pasado 14 de febreiro no Teatro Principal con motivo do Día da Muller e da Nena na Ciencia. Acudimos á conferencia da bióloga portuguesa e doutora en Bioquímica e Bioloxía Molecular:


Carme Fouces na presentación dos actos do Día da Muller e a Nena na Ciencia.


O noso alumnado quixo aprender algo máis do traballo desta importante muller que, coma outras científicas e investigadoras, adican a súa vida á ciencia  e ademáis quixeron poñer en valor o seu labor dentro do mundo da Ciencia.

Joana Magalhaes



Teatro Universario E. Infantil

RESUMO DAS ACTIVIDADES DO MES DE FEBREIRO

Saída TEATRO "Universario"

O pasado  luns 10 de febreiro o alumnado de 5º e 6º de Educación Infantil asistiu á obra de teatro titulado "Universario"  no Teatro Principal de Pontevedra, obra programada dentro das actividades do Luns do Principal.

Durante a obra de teatro disfrutaron dun espectáculo divertido, alegre e imaxinativo nun pequeno universo de letras vogais que se foron transformando en paisaxes e onde viron como se pode xogar coas palabras, cos obxectos e transformar así a realidade en risas e imaxinación.

Resultado de imagen de Domingos do principal

venres, 28 de febreiro de 2020

Entroido 2020

Entroido 2020

Este venres día 21 de febreiro celebramos o noso entroido temático e todo o alumnado acudiu ao centro vestido de cor verde... ata había algún superheroe e superheroína polo noso cole...
Estaban moi ilusionados e como vén sendo habitual, o alumnado fixo un percorrido por distintos obradoiros, onde aprenderon un pouco máis sobre o proxecto que estamos a traballar: 
" O cambio climático"
e por suposto, desenvolvendo actividades colaborativas onde a imaxinación e a creatividade foron o eixe central do noso traballo.
Se queren ver a reportaxe gráfica deste entroido, poden pinchar enriba da seguinte foto:

https://photos.app.goo.gl/3QadHP7nidMP6vDV9


Para levar a cabo estes obradoiros repartimos ao alumnado en oito equipos, formados por alumnado de todos os niveis e foron rotando, cada vinte minutos, polos distintos obradoiros.

Este ano os obradoiros foron os seguintes:
-"Obradoiro do disfraz": realizaron unha parte do que podería ser o seu disfraz de super...protector!!! do planeta.
-"Construcción dun instrumento": a partir dun rolo de papel hixiénico, un pouco arroz, lentellas, un pouco de cinta e por suposto a súa imaxinación, puideron elaborar unhas sonoras maracas.
-"Obradoiro de maquillaxe": o alumnado que quixo foi pintado e maquillado.
-"Obradoiro da Biblioteca": visualizaron un pequeno powerpoint, no que se lles explicaba a importancia das catro RRRR: Reducir, Reciclar, Reutilizar e Recuperar para ser un bo protector do noso planeta.
-"Obradoiro de Informática":a través de distintos xogos multimedia puideron aprender moito máis sobre a reciclaxe.
-"Xincana": correron e trataron de ser un pouco máis ecolóxicos, iso sí... sen perder o tempo e facendo algo de exercicio, que sempre é necesario estar en boa forma.
-"Obradoiro de Plástica":fixeron un mural colectivo, que quedou exposto no corredor inferior cos traballos de todo o alumnado do centro
-"Obradoiro de xoguetes": sempre utilizando o papel e a papiroflexia elaboraron distintos elementos para poder xogar no patio.





martes, 4 de febreiro de 2020

RESUME DAS ACTIVIDADES

 REALIZADAS NO MES DE XANEIRO

Contos pola PAZ
O xoves 30 de xaneiro celebramos o día da Paz cunha lectura de Contos pola PAZ nas distintas aulas e o noso alumnado puido disfrutar dos contos seleccionados e dos profes do cole como contacontos. Ademáis puideron escoller entre un abano interesante de ofertas segundo os seus gustos e preferencias:

Aula de 3 anos
La verdad según Arturo
Aula de 4 anos
O paxaro amarelo
Aula de 5 anos
Un can e un gato
Aula de 1º E.P.
La historia de Greta
Aula de 2º E.P.
Wangari y los árboles de la paz
Aula de 3º E.P.
¿Por qué somos de diferentes colores?
Aula de 4º E. P.
El Señor Guerra y la Señora Paz
Aula de 5º E.P.
El pez arcoiris
Aula de 6º E.P.
Un día de treboada
Aula de Música
¡Quiero una medalla!