UN ENTROIDO DE CIRCO

Acabamos de celebrar, hoxe venres UN ENTROIDO DE CIRCO, desta maneira damos comezo ao segundo proxecto do ano que irá dedicado a este tema.

Foi unha experiencia estupenda para tod@s; divertímonos moito e ademais tamén aprendemos unha chea de cousas.

Dividimos a todo o alumnado en sete colores e cada un foi asignado a un taller, ao cabo de vinte minutos tocaba o timbre e faciamos un cambio, de maneira que ao longo da xornada, pasaron os sete grupos por todos os talleres.

As actividades foron moi variadas e tivemos taller de malabares, taller de informática con xogos online, taller de información na Biblioteca, taller de Plástica, no que se elaborou un gran mural, taller de maquillaxe, taller de corte e confección e taller de música e baile.

Ao final, houbo que pasar unha dura proba escrita para facerse co Diploma circense, que nos acreditou a tod@s como capaces de facer as máis grandes pallasadas!

Queda aquí, coma sempre esta reportaxe gráfica para que vexades o ben que o pasamos!

UN ENTROIDO DE CIRCO

Este ano o noso Entroido temático tráenos ao circo para que o pasemos estupendamente e que aprendamos moitas cousas sobre este espectáculo.

Nunha das actividade que imos a facer ao longo da mañá será xogar ao circo con xogos online.

Se queredes saber como van a ser pincha na imaxe:

XI SALÓN DO LIBRO DE PONTEVEDRA

O RAÑACEOS DA LECTURA ( MAQUETA PRESENTADA POLO CEIP SAN MARTIÑO)

O día 9 de febreiro, moitos das nenas e nenos do noso colexio fixemos unha saída moi esperada: a visita ao Salón do Libro, que nesta edición trata da cidade. Nós xa levamos tempo estudando este tema.
A visita empezou nas instalacións da Policía Municipal. Un policía chamado David foi o que nos guiou. Primeiro amosounos o furgón de atestados que ten moitas cousas, entre elas, o control de alcoholemia, a sirena... Despois entramos nas instalacións; vimos a oficina onde recollen os obxectos perdidos, os armarios blindados onde gardan as armas, os walkie-talkies... pero o que máis nos gustou foi a sala de cámaras porque se ve o tráfico que hai en todas as rúas de Pontevedra, incluso, se hai algún accidente, dende esta sala os policías controlan todo o trafico da cidade. Despois estaba previsto un obradoiro urbano con David para poñer algunha multa literaria pero, por falta de tempo non puidemos .
Logo fomos ver as exposicións dos libros. Na entrada recibiunos Orbil o lobo que come libros cunha grade aperta a todos xuntos. Roberto, o noso guía, levounos por tres salas escuras; na primeira as casas aboiaban no espazo era a Terra vista dende a Lúa, a segunda era unha cidade de noite e, na terceira vimos o que hai debaixo dunha cidade calquera; cloacas, sumidoiros...por certo ulía moi mal. Por último, pasamos a ver os libros e os trallos dos coles, tamén está o que fixemos nós, todos están moi bonitos, o noso é dos mellores, gustounos moito ver o noso traballo con todos os demais.
Foi a saída mellor de todas, mágoa que non durara máis tempo.

Alumnado de 4º curso

CONSUMO RESPONSABLE...
Despois da charla que recibimos o outro día sobre consumo responsable e insistindo un poco máis no tema da protección ao medio ambiente, pensamos que é interesante visionar este curto, para que pensemos no futuro do noso planeta e na necesidade de cambiar as nosas actitudes de consumo:

QUE FACEMOS COA AUGA?
Esta semana o alumnado do 3º ciclo de primaria recibiron unha charla, que levou por título "Que facemos coa auga? e que entra dentro do programa da Concellería de medio ambiente do Concello de Pontevedra: MÓLLATE CON NÓS.
O obxectivo que se pretende é o de educar no consumo moderado e responsable dun ben común como é a auga.

PASEANDO CON PEPY CLAVIJO
Os alumnos e alumnas de 6º, xunto co seu titor e a xefa de estudos, recibiron esta semana a Pepy CLavijo coa que deron un "paseo virtual" polas rúas de Pontevedra.
Pepy Clavijo, profesora xubilada, é a autora de varias obras sobre a nosa cidade, entre as que se atopan: "Las calles de Pontevedra", "Pontevedra, de los nombres propios de las calles"... que empregamos na aula para realizar os nosos proxectos de investigación, dentro do tema "a cidade" que abordou este ano a nosa Biblioteca.
Non nos podemos sentir máis afortunados, cando despois de traballar coa súa obra, tivemos logo a oportunidade de poder charlar, intercambiar opinións, preguntar dúbidas, saber de anécdotas... acerca do que aprenderamos.
Por todo isto, Pepy, moitas grazas por visitar o CEIP San Martiño e compartir con nós uns momentos tan interesantes para tod@s.
Dende aquí este recordo e un forte abrazo!!

CONTOS PARA A PAZ

Este ano quixemos celebrar o Día da Paz, 2010 co lema "Contos para a paz".

Tamén baixaron algúns alumn@s á Ferrería para participar no acto conxunto de todos os centros de Pontevedra.

No centro, cada grupo dende os máis pequenos de Infantil ata 6º de Primaria, contáronnos cadanseu conto para a paz: reunímonos todos despois do recreo a escoitalos. Moitos eran contos coñecidos, outros foron inventados nas aulas e ata houbo quen se atreveu coa poesía...

Para rematar esta celebración cantamos xuntos varias cancións que dicían cousas tan bonitas coma esta: que todos os nenos levanten as mans, que todos os nenos levanten a voz... máis guerras non, máis guerras non, que reine a paz e o amor...

Realmente, ¿non é marabilloso o que piden os nenos pola paz? Súmemonos a eles e levantemos nós tamén as nosas mans pola paz!

Aquí deixamos esta pequena reportaxe para que o vexades:

CANTANDO CON DANNI GRIFFIN

O pasado mércores, 27 de xaneiro @s alumn@s de 6º nivel de Primaria foron invitados pola Editorila Oxford á actuación do cantante e compositor norteamericano Dani Griffin.

Danni Griffin é un recoñecido compositor de cancións infantís e colaborador de dita editorial, ademais é o autor de moitas das cancións que cantamos na aula de inglés.

O concerto foi un éxito: cantamos, bailamos e rimos moito coas ocorrencias de D. Griffin.

Voltamos moi satisfeitos.

Asistimos ao Pleno Municipal

O pasado venres 22 de xaneiro, @s alumn@s de 5º e 6º de Educación Primaria asistiron a un pleno da Corporación Municipal do Concello de Pontevedra. Esta actividade enmárcase dentro noso proxecto de Biblioteca, que este trimestre se centra no estudo da cidade.

Ao longo da sesión plenaria, @s alumn@s escoitaron con atención ás intervencións dos concelleiros e tomaron notas para realizar un traballo sobre a visita. Ademais, puideron vivir en primeira persoa o despliegue de medios informativos que se produce en este tipo de eventos. De feito, varios alumnos e alumnas foron entrevistados polos distintos medios de comunicación presentes, como a Televisión de Galicia, Localia, Radio Pontevedra ou o Faro de Vigo.

Queremos expresar dende aquí o noso agradecemento a todas as persoas que dende a Corporación Municipal colaboraron para facer realidade esta visita de indudable valor pedagóxico e formativo, xa que permitiu aos rapaces e rapazas familiarizarse coas competencias e formas de funcionamento democráticas da Administración Municipal.

DECÁLOGO PARA SER LINGÜÍSTICAMENTE SOSTIBLE

Grazas ao traballo de dúas compañeiras das Bibliotecas escolares de Galicia damos hoxe difusión para os lectores do noso blog este decálogo, que nos fala da importancia de aproveitar a riqueza que nos ofrece a diversidade lingüística que está no noso entorno.

Foi traducido ao galego por Adelia Troncoso do IES Val do Tea (Ponteareas), a partir do texto publicado en 2008 polos Servizos Lingüísticos Universitarios de Cataluña e a maquetación realizouna Mónica Muñoz do CEIP Frian de Teis (Vigo).

Damos as grazas dende aquí a estas compañeiras polo este excelente traballo colaborativo .

(Pincha na imaxe)