Blog da Biblioteca do CEIP San Martiño

Salcedo-Pontevedra
____________________________________________________________________________________________________________________________________

luns, 31 de xaneiro de 2022

Unha maneira divertida e saudable 

de educar na soliedariedade!

O pasado venres, 28 de xaneiro disfrutamos dunha xornada festiva moi especial. Todo o alumnado, dende Educación Infantil ata Educación Primaria participaou na I CARREIRA SOLIDARIA  en favor de Save the Children.  As/os  nosas/os cativas e cativos puxeron as zapatillas, correron e conseguiron fondos para apoiar e axudar programas en educación, supervivencia e protección para as/os  nenas e nenos que máis o necesitan.

A situación provocada pola COVID-19 obrigounos a ser imaxinativos e, cumprindo cos protocolos  necesarios, facendo unha saída de carreira escalonada, sempre respectando os grupos burbulla, conseguimos vivir unha xornada moi especial. 

Agradecemos ás nais e pais o seu apoio e participación e, por suposto, a todas as entidades locais, policía e protección civil, que nos axudaron a levar a cabo esta actividade. E o noso agradecemento máis sincero para Luis Montes, pai dun alumno do noso centro, vinculado ao mundo do balonmán e do deporte e que nos axudou nas tarefas de apadrinamento da nosa carreira. 
Para nós é moi importante comezar a retomar estas xornadas e que mellor forma de celebrar o Día Escolar pola Paz e a Non Violencia que axudando ás nenas e aos nenos que o necesitan agora máis que nunca.

Ademais foi un día emocionante para o noso alumnado coa entrega  dos premios do I CONCURSO DE DEBUXOS e RELATOS POLA PAZ. As/os premidadas/os foron:

 Debuxos pola Paz

Categoría A: Alejandra Alfonso Mosquera de 6º de EI

Categoría B: Uxía Haedo López de 2º de EP

Relatos pola Paz

Categoría A: Luis González Blanco de 3º EP

Categoría B: Martina Álvarez Mouriño de 6º EP

Moitas grazas a todo o alumnado participante. Foi difícil a elección dos gañadores porque todos os traballos tiñan algo especial.

Se queres ver todas as fotos preme na foto






 




mércores, 26 de xaneiro de 2022

I CARREIRA SOLIDARIA POLA PAZ

Percorrendo o mundo enteiro con

 Quilómetros e quilómetros de Solidariedade!

Dende a comunidade educativa do CEIP San Martiño queremos participar no proxecto de SAVE THE CHILDREN mobilizándonos para axudar a miles de nenas e nenos que viven en situacións precarias.

Este venres 28 de xaneiro correremos por e para esas/esos cativas/os e celebraremos dunha maneira moi especial e diferente do Día Escolar pola Paz e a Non Violencia.

Será unha xornada festiva, con moitas sorpresas para todo o alumnado onde o deporte non será o máis importante, pero sí un nexo de unión entre nós e o resto do mundo.

A carreira comezará a 12:00h e será un circuito arredor do centro educativo.

Estades todas e todos invitadas/os a celebrar este día connosco. 

ESPERÁMOSVOS!



 

luns, 24 de xaneiro de 2022

I Concurso de DEBUXO e RELATOS pola PAZ

Para conmemorar o Día Escolar da Non Violencia e a Paz imos celebrar un Concurso de DEBUXO para o alumnado de Educación Infantil e 1º e 2º de Educación Primaria e un Concurso de RELATOS para o alumnado de 3º, 4º, 5º e 6º de Educación Primaria. Ambos teñen que ter como temática "A Paz".

Deixade voar a vosa imaxinación e a vosa creatividade e animádevos a participar. Aquí vos deixamos as bases do Concurso. 






venres, 3 de decembro de 2021

DÍA INTERNACIONAL DAS PERSOAS CON DISCAPACIDADE

Hoxe, 3 de Decembro, conmemoramos o día Internacional das Persoas con Discapacidade.

A comunidad educativa do CEIP San Martiño apostamos sempre pola INCLUSIÓN, xa que cremos que é a base do respecto aos Dereitos Humanos e a Paz, e por iso, traballamos para que o noso alumnado conciéncese e poida axudar a mellorar as situacións das personas con discapacidade e, sobre todo, a que a igualdade de oportunidades sexa a mesma para todas e todos.

Para as nenas e nenos, sobre todo os máis cativos, non é doado entender que lles ocorre ás persoas con discapacidade, sobre todo cando falamos de discapacidade mental; eles soamente ven personas ás que ven como "raras" pero non fancedo un xuízo de valor, senón porque non logran comprender a maneira na que interactúan e participan con ellas/eles. É por iso que,  temos motivos, máis que suficientes, para levar a cabo actividades ao longo de todo o curso en relación coa integración, aceptación e inclusión das personas que presentan algunha discapacidade. 

Como mestras e mestres temos a grande sorte de aprender moitísimo das/dos nosas/os pequenos que presentan discapacidade, e é  un aliciente moi grande para continuar formándonos, porque soamente así, poderemos axudarlles a conseguir o seu benestar en todos os ámbitos. 

Durante esta semana, estivemos a traballar o conto de MARILUNA, un libro que narra a historia dunha nena con TEA e da relación coa súa familia:

"Sus ojos son del color del mar dormido" "Sabemos que nos miran, no sabemos si nos ven"

"Dice mi padre que Mariluna crece despacio porque va a su ritmo"

" Dice mi madre que si su mundo fuera nuestro mundo, no sería Mariluna"

"Pero ahora sé que no hay nadie como ella, que tenemos mucha suerte de que naciera en plenilunio y me gusta que se llame Mariluna"

Unha historia moi difícil de explicar pero que grazas ao texto maravilloso, as magníficas ilustracións e o traballo posterior, o alumnado máis cativo foi capaz de comprender que Mariluna é unha nena moi especial á que todo o mundo adora e que se non fora como é... NON SERÍA MARILUNA.

O vídeo que presentamos a continuación foi grabado polo alumnado e como podedes escoitar hai voces das/dos máis pequerrechas/os ata as/os maiores do colexio.








martes, 30 de novembro de 2021

OBRADOIRO DE REGUEIFAS

Hoxe o alumnado de 5º de Educación Primaria tivo a sorte de poder disfrutar dun obradoiro de Regueifas.

Regueifas, Pan de voda, estrofa, copla popular, versos octosílabos, rima, ritmo ou leixaprén son algunhas das palabras que as nenas e nenos escoitaron durante esta mañá. 

Recibir a dous reguefeiros famosos como Pinto d'Herbón e O Caruncho foi todo un privilegio, xa que as/os máis novas/os non son coñecedoras nin coñecedores destas cantigas/cantos de orixen galego-português, de grande importancia para a cultura galega. 

Entre outras cousas, aprenderon a combinar rimas ao ritmo da zanfona e tamén das súa voz, o que lles servirá para ir quecendo motores de cara ao próximo Certame de Regueifas no que participarán con outros centros de Galicia. 

Deixámosvos unha fotos para que vexades o ben que o pasaron e o que o disfrutaron... TARA RIRO RIRO RIRO (…)








venres, 26 de novembro de 2021

 25 N DÍA INTERNACIONAL CONTRA A VIOLENCIA DE XÉNERO

Onte, hoxe, mañá e SEMPRE traballaremos para que todas as nenas e mulleres aunemos as nosas voces,  gritemos e proclamemos ao mundo que somos libres, que a nosa vida non é un xogo nin que somos o xoguete de ninguén. 

Traballamos dende a IGUALDADE, porque estamos convencidas e convencidos que é a base para que a Violencia de Xénero desapareza.

É por iso que a través dos contos, de obradoiros, de cancións, de charlas... o noso alumnado aprende a dicir NON, a que se lles respecten, a respectarse, a non ter medo e a non dar medo, a valorarse, a sentirse valoradas e a valorar.

Durante toda a semana levamos a cabo diversas actividades en relación ao 25 de Novembro.

Comezamos coa decoración da entrada do colexio; un lazo enorme e precioso formado por moitos lazos pequeños onde cada alumna/o escribiu palabras e/ou frases relacionadas coa Violencia de Xénero e co lema escollido "NON PECHES OS OLLOS"

Dende as máis pequenas e pequenos do colexio ata as/os maiores fixemos unhas chapas para lucir durante todo o día de onte co mesmo lema. Foron feitas con cápsulas de café e cartolinas e a verdade é que o resultado foi espetacular.

Cremos firmemente que a lectura é a maneira máis divertida, motivadora e sinxela de aprendizaxe e sempre que temos a oportunidade aproveitamos os contos para traballar calquera temática

E no Día Internacional Contra a Violencia de Xénero non podía ser distinto.

Tivemos a sorte de  contar con Carmen Sieiro e Lola Ayán, duas mestras xubiladas que nos agasallaron cuns contacontos preciosos:

"Pepuka y el mostruo que se llevó su sonrisa" e "O país dos mandóns" foros os contos elexidos para o alumnado de Educación Infantil e primero nivel de Educación Primaria da man de Carmen Sieiro











E para o alumnado de segundo, terceiro e cuarto nivel de Educación Primaria o conto escollido foi "Xela volveuse vampira" que foi contado por Lola Ayán







 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Os maiores do colexio puideron disfrutar dunha charla organizada por dúas coordinadoras das Escolas Asociadas da UNESCO: Luisa Márquez Rodríguez e de María Jesús Enguídanos Floreani, ambas mulleres xubiladas (mestra e profesora) . A charla tivo como eixo principal a prevención da violencia de xénero. Todo o alumnado, estivo moi activo, participativo e sobre todo reflexivo.







Ademáis, creamos un RINCÓN VIOLETA na nosa biblioteca para que todo o alumnado e profesorado poida desfrutar de libros e contos.