Blog da Biblioteca do CEIP San Martiño

Salcedo-Pontevedra
____________________________________________________________________________________________________________________________________

miércoles, 16 de diciembre de 2009

FELIZ NADAL
O Equipo de profesores de Salcedoteca queremos compartir con vós esta panxoliña e desexarvos a todas as familias do colexio e aos nosos lectores un Feliz Nadal e pedir para o ano 2010 unha morea de amor, unha enchenta de cariño e un carro cargado de moita sorte para todos... ah! e non esquezades pedirlles aos Reis moitos libros para ler, para ver, para disfrutar: un libro é sempre un bo agasallo!
Consultade as nosas recomendacións de lectura, aquí mesmo no lateral do blog.

martes, 8 de diciembre de 2009

10 DE DECEMBRO: DÍA DOS DEREITOS HUMANOS



( Cartel elaborado polo IES Río Cabe de Monforte)


A nosa Biblioteca súmase á celebración do Día dos Dereitos Humanos o próxinmo 10 de decembro. Queremos reflexionar xuntos sobre a importancia da aprobación dos Dereitos Humanos para as nosas vidas e sobre todo falaremos da importancia do seu cumprimento en todos os países.

¿Queres aprender xogando cos Dereitos Humanos? Fai clic nesta imaxe:

viernes, 4 de diciembre de 2009

E ESTIVEMOS CO ALCALDE...

Hoxe os nosos alumnos do 2º Ciclo visitaron as dependencias do Concello de Pontevedra e foron recibidos polo Sr. Alcalde D. Miguel Anxo Fernández Lores, que tivo a amabilidade de responder a todas as súas preguntas. Ademais tiveron a oportunidade de entregar en Rexistro unha instancia, que elaboraran entre todos na clase coas demandas para as melloras do noso centro.

Damos as grazas dende aquí a todas as persoas que dende a corporación municipal colaboraron para facer realidade esta visita, xa que estaba programada dentro do noso proxecto de Biblioteca, que este trimestre se centra no estudo da cidade.

Máis adiante outro grupo de alumnos realizará a mesma visita para dar cumprimento á programación que o noso centro realizou sobre o proxecto, antes mencionado.